Aldiiar jáne Álimjan Jaýynbai Singapýrde ótken jas erekshelikteri boiynsha týrnirde óz sanattarynda ekeýi birge tórt medal enshiledi, onyń úsheýi altyn. Bul týraly Qazaqstan shahmat federatsiiasynyń baspasóz qyzmeti habarlaidy, dep habarlaidy ult.kz.
Aǵaiyndylardyń úlkeni FIDE sheberi Aldiiar Jaýynbai 20 jasqa deiingi sanatta baq synady. Rapid týrnirinde ol 5,5 upai jinap, filippindik halyqaralyq sheber Kristian Djan Karlo Arka men vetnamdyq Chan Zia Fýk Famdy artqa tastap, birinshi oryndy ielendi. Aldiiar ekinshi altyndy blitste jeńip aldy. Ol 9 týrdyń qorytyndysy boiynsha 7 upai jinady. Odan keiingi ekinshi orynǵa vetnamdyq sportshy Chan Zia Fýk Fam, al úshinshi orynǵa filippindik Kristian Djan Karlo Arka jaiǵasty. Aldiiarǵa klassikada júldeli orynǵa jetýge sál ǵana múmkindik jetpei qaldy. Ol 6,5 upai jinap, 1-3 oryn iegerlerimen birdei nátije kórsetkenimen, qosymsha kórsetkishter boiynsha ese jiberip, tórtinshi orynǵa turaqtady.
Al inisi FIDE sheberi Álimjan Jaýynbai 12 jasqa deiingi sanatta óner kórsetip, ol da eki medal enshiledi. Álimjan altyndy blitste 8 upai jinap, vetnamdyq qarsylastaryn basyp ozý arqyly jeńip aldy. Kúmis medaldy klassikada ielendi. Ol 7 upai jinap, birinshi oryn iegeri vetnamdyq Fan Hoang Kýan Lemen teń tústi, biraq qosymsha kórsetkishter boiynsha qarsylasyna jol berdi.
Aldiiar men Álimjan Jaýynbai Qazaqstan shahmat federatsiiasynyń jas talanttardy qoldaý baǵdarlamasynyń qatysýshylary. Baǵdarlama eldiń eń myqty jas shahmatshylaryn qoldaýǵa baǵyttalǵan: sportshylar jattyqtyrýshylarmen jumys isteýge, halyqaralyq jarystarǵa qatysýǵa jáne iri týrnirlerge daiyndalýǵa qoldaý alady. KazChess jas daryndy qoldaý baǵdarlamasyna 45 shahmatshy qatysady. Jaýynbai baýyrlary bul baǵdarlamaǵa birneshe jyldan beri qatysyp keledi. 2025 jyly Álimjan 11 jasynda qazaqstandyq shahmat tarihyndaǵy eń jas FIDE sheberi atanǵan edi.
