Atom elektr stantsiiasy salynatyn jańa oryndar aiqyndalmady. Bul týraly Energetika ministri Bolat Aqsholaqov aitty, dep habarlaidy QazAqparat.
«Stantsiiany kez kelgen jerge salýǵa bolmaidy. Bul tek eki-úsh aidyń jumysy emes. Sondyqtan ony jan-jaqty qarastyrǵan mańyzdy. Kadrlyq jáne sýmen jabdyqtaýdan bólek, tiktonikalyq jáne seismologiialyq jaǵynan qaraý kerek. Ázirge, jańa oryndardy aiqyndamadyq. Óitkeni stantsiia salatyn oryndar kóp bolmaidy. Sondyqtan zertteý jumystarynyń tutas keshenin júrgizý kerek. Iaǵni osy jumystar qandai da bir qurylystyń aldynda egjei-tegjeili atqarylady», - dedi Aqsholaqov Májiliste tilshiler saýalyna jaýap bere otyryp.
Onyń sózine qaraǵanda, qazir eki oryn qaralyp jatyr. Bir lokatsiia – Balqash jaǵy, ekinshisi - Kýrchatov.
«Álem boiynsha tanymal tehnologiialar tek Reseide ǵana emes, sonymen qatar Frantsiia, AQSh, Japoniia, Ońtústik Koreiada bar. Qazirgi kezde Qytaidyń da tehnologiialary damyp keledi. Sonyń ishinde ozyq dep tanylǵanyn ári qaýipsizin tańdaimyz», - deidi ministr.
Osy oraida ol atom elektr stantsiiasyna qatysty tek zertteý jumystary júrip jatqanyn eske saldy.
