Foto: Tengrinews.kz
Qazaqstanda 6,3 millionnan astam adam, iaǵni 51,77 paiyz atom elektr stantsiiasyn salýǵa qatysty referendýmda daýys berdi, dep habarlaidy Ult.kz.
Ortalyq sailaý komitetiniń múshesi Sábila Mustafinanyń habarlaýynsha, saǵat 14.00-degi jaǵdai boiynsha tizimge engizilgen azamattardyń jalpy sanynyń 51,77 paiyzy sailaý biýlletenderin aldy.
"Saǵat 14.00-degi jaǵdai boiynsha respýblika boiynsha 6 millirn 339 myń 425 azamat biýlleten aldy", – dedi Sábila Mustafina.
Óńirler boiynsha daýys bergen qazaqstandyqtardyń sany paiyzben eseptegende kelesidei bólindi:
Abai oblysynda – 52,99%;
Aqmola oblysynda – 54,91%;
Aqtóbe oblysynda – 52,85%;
Almaty oblysynda – 59,32%;
Atyraý oblysynda – 52,91%;
Batys Qazaqstan oblysynda – 50,52%;
Jambyl oblysynda – 48,80%;
Jetisý oblysynda – 55,42%;
Qaraǵandy oblysynda – 59,92%;
Qostanai oblysynda – 61,54%;
Qyzylorda oblysynda – 54,13%;
Mańǵystaý oblysynda – 46,19%;
Pavlodar oblysynda – 49,18%;
Soltústik Qazaqstan oblysynda – 48,00%;
Túrkistan oblysynda – 67,38%;
Ulytaý oblysynda – 59,65%;
Shyǵys Qazaqstan oblysynda – 61,73%;
Astanada – 45,19%;
Almatyda – 16,91%;
Shymkentte – 64,38%.
"Respýblikalyq referendým týraly" Konstitýtsiialyq zańnyń 31-babynyń 2-tarmaǵyna sáikes referendýmǵa qatysýǵa quqyǵy bar azamattardyń jartysynan astamy daýys berýge qatysqan jaǵdaida referendým ótti dep esepteledi", – dedi Sábila Mustafina.
Daýys berý keshki saǵat 20:00-ge deiin jalǵasady. Tizimderge 12,3 millionǵa jýyq qazaqstandyq engizilgen. Referendýmǵa shyǵarylǵan másele boiynsha sheshim, eger ol úshin azamattardyń jartysynan kóbi daýys berse, qabyldandy dep esepteledi.
