Foto: sk.kz
Energetika ministri Almasadam Sátqaliev AES qurylysyna qatysty referendým ótetin kún qashan jariialanýy múmkin ekenin aitty, dep habarlaidy Kazinform agenttigi.
Onyń atap ótýinshe, Qazaqstannyń atom stansasy kompaniiasynyń, Ulttyq iadrolyq ortalyqtyń, ózge de institýttardyń ókilderi kestege sai elimizdiń qalalaryn aralap, turǵyndarmen, múddeli taraptarmen kezdesý ótkizip júr. Júzdesýler barysynda halyqty tolǵandyrǵan atom stansasyna qatysty saýaldarǵa tolyqqandy jaýap berýde. Osy konsýltatsiialar aiaqtalǵannan keiin AES qurylysyna qatysty referendým ótetin kún jariia etilýi múmkin.
«Qoǵammen jaqsy dialog júrip jatyr, qyzyǵýshylyqtyń joǵary ekenin de baiqap otyrmyz.
Muny ústine halyq tarapynan kásibi qyzyqshylyq bar. Atalǵan konsýltatsiialardyń kóptegen qatysýshysynyń tarapynan atom stansasy qurylysy bastamasyna qoldaýdyń bar ekendigi qýantad. Bul jumysty jalǵastyramyz. Mamandarymyz Qaraǵandy, Astana syndy birqatar qalada bolyp úlgerdi. Munan arǵ keste de jariia etiledi. Konsýltatsiialar qorytyndynda referendým ótetin kún jariialanyp qalar. Ázirshe maǵan ol belgisiz», - dedi ministr BAQ ókilderine arnalǵan baspasóz máslihatynda.
