© Pixabay / Markus Distelrath
Atom elektr stantsiiasyn salý ne salmaý máselesi boiynsha ótetin referendýmǵa byltyrǵy referendýmǵa bólingen qarajattan az aqsha bólinedi. Bul týraly vitse-premer – qarjy ministri Erulan Jamaýbaev málimdedi, dep habarlaidy Sputnik Qazaqstan.
Májilis kýlýarynda jýrnalister AES qurylysy boiynsha referendýmdy ótkizýge qansha qarajat jumsalatynyn surady.
"Ortalyq sailaý komissiiasy aldymen biýdjet protsesi boiynsha bizge tiisti tapsyrys beredi. Qansha qarajat kerek ekenin aitady. Olardyń esepteýlerin almai turyp, qalai aitamyn", - dedi ol.
Osy oraida BAQ ókilderi oǵan shyǵyn mólsheri byltyrǵy referendýmnan aspaýy múmkin be dep surady. Aita keteri, 2022 jyly Konstitýtsiiaǵa ózgerister engizý jónindegi referendýmdy ótkizýge biýdjetten 16,4 mlrd teńge bólingen bolatyn.
"Múmkin, basqasha ádister qoldanylar. Sol sebepti ondai úlken qarajat ketedi dep oilamaimyn. Az bolýy kerek", - dep jaýap berdi Jamaýbaev.
Atom elektr stantsiiasyn salý máselesi shyǵarylatyn referendýmnyń naqty qai kúni ótetini ázirge belgisiz.
