«Aeroflot» áýe kompaniiasynyń aqparaty boiynsha, ushýdy oryndaýǵa kedergi keltiretin qosymsha jaǵdailardyń týyndaýyna bailanysty «Aeroflot» áýe kompaniiasy barlyq halyqaralyq reisterdi 2022 jylǵy 8 naýryz Máskeý ýaqyty boiynsha saǵat 00:00-den bastap ýaqytsha toqtatady, dep habarlaidy QazAqparat.
«Toqtatylǵan reisterdiń jolaýshylary aviabiletti satyp alý orny boiynsha bilettiń qunyn tolyq qaitarýdy resimdei alady. Paidalanylmaǵan tasymaldaý úshin qaitarýdy aǵymdaǵy jyldyń sońyna deiin kez kelgen ýaqytta júrgizýge nemese marshrýtty saqtai otyryp, ony aǵymdaǵy jyldyń sońyna deiin aiyppulsyz basqa kúnderge qaita resimdeýge bolady.
Jolaýshylarǵa áýe kompaniianyń aqparattyq habarlamalaryn jáne brondaý kezinde kórsetilgen bailanys derekteri boiynsha jeke aqparatty qadaǵalaý usynylady. Tolyq aqparat áýekompaniianyń saitynda ornalastyrylǵan», - delingen kompaniianyń Telegram kanalynda.
