Aqtóbeden shyǵatyn "Adyrna" ádebi-kórkem, kópshilik jýrnaly óziniń tuńǵysh sany shyǵa bastaǵanyna eki jyl tolýyna orai ádebi shyǵarmalar báigesin jariialaidy.
Baiqaýǵa qazaqtyń barlyq qalamgerleri men ádebietke talpynyp júrgen jastary túgel qatysa alady.
Báigeniń adal muraty — ulttyq ádebietimizdiń kúni búgingi eń ozyq shyǵarmalaryn, eń daryndy qalamgerlerin anyqtaý jáne ulyqtaý, qazirgi ádebiettiń damýyna, kórkeie túsýine demeý bolyp, ádebiettegi qazirgi oń ózgeristerdi, jańa, jasampaz baǵyttardy meilinshe qoldaý, qazaq ádebietiniń qoǵamdaǵy izgi áserlerin nyǵaitýǵa sep bolý, qazaq kórkem oiynyń eńsesin biiktetý, jańaryp jatqan qazaqy ulttyq oi-sananyń, shynaiy rýhani túleýdiń kúsheie túsýine shynaiy úles qosý.
Bas júlde — 2 000 000 teńge, arnaýly syilyq.
Birinshi júlde — 1 000 000 teńge, arnaýly syilyq.
Ekinshi júlde — 500 000 teńge.
Úshinshi júlde — 300 000 teńge.
Yntalandyrý syilyqtary (úsheý) — 100 000 teńgeden.
Báige nominatsiialary:
1.Úzdik óleńder toptamasy, poema
2.Úzdik áńgime, hikaiat, roman
3.Úzdik ádebi syn, esse
4.Úzdik drama
Báige 2018 jylǵy qazan aiynyń 1-nen 2019 jyldyń 15-naýryzyna deiin ótkizilip, syilyq tapsyrý rásimi 2019 jylǵy Naýryz merekesi qarsańynda, naýryzdyń 20-sy kúni Aqtóbede ótkiziledi.
Báigege qatysýshylar biylǵy qazan aiynyń 1-nen bastap shyǵarmalarynyń elektrondy nusqasyn «Adyrna» jýrnalynyń elektrondy poshtasyna (adyrna2016@gmail.com) jiberedi. Kórkemdikke qoiylatyn sharttarmen qatar redaktsiianyń taǵy bir sharty — redaktsiiaǵa avtordyń «Adyrna» jýrnalyna 2019 jylǵa tolyq jazylǵandyǵyn rastaityn, pochta belgisi soǵylǵan túbirtekti qosa joldaý (el. nusqasy men túpnusqa kóshirmesi). Onsyz shyǵarma báigege jiberilmeidi (jýrnaldy oqymaityn avtordyń redaktsiiaǵa qajeti de joq).
Shyǵarmamen, túbirtekpen birge avtor týraly qysqasha derek pen meken-jaiy týraly aiqyn málimet berilýi tiis.
