Uzaq jáne qyzý pikirtalastardan keiin, advokattyq qyzmet týraly zań jobasy boiynsha jumys toby Azat Perýashevtiń túzetýlerin engizýge daýys berdi, al ótken aptada qujat Májiliste qabyldandy.
Esterińizge sala keteiik, bul zań jobasy advokattyq qoǵamdastyq pen áleýmettik jelilerde qoǵamdyq úlken rezonans týdyrdy jáne Ádilet ministri Marat Beketaevtyń qatysýymen eki ret «Aq jol» partiiasynda talqylandy. Osy talqylaýlardyń nátijesinde «Aq jol» fraktsiiasynyń zańgerlerdiń quqyqtaryn keńeitý, olardyń qyzmetine kepildik berý jáne advokattar jumysyna syrtqy kedergilerdi azaitýǵa baǵyttalǵan túzetýleri ázirlendi.
Májilistegi osy túzetýlerdi alǵashqy talqylaý aǵymdaǵy jylǵy 28 naýryzda ótti. Onyń barysynda kóptegen memlekettik organdardyń ókilderi Perýashevtiń túzetýlerine qarsy shyǵyp, avtor óz pozitsiiasyn qaita-qaita dáleldeýge májbúr bolǵan edi.
Depýtat Qanat Mýsin bastaǵan jumys toby keiingi ailarda da zań jobasymen jumysty jalǵastyrdy. Aqyr sońynda, 28 mamyrda jumys toby Úkimettiń qorytyndysyn eskere otyryp, «Aq jol» partiiasy tóraǵasynyń túzetýlerine qaita oralyp, demokrattardyń birqatar printsiptik usynystaryn qarastyrdy jáne qoldady.
Atap aitqanda, Zańnyń 36-babynyń 1-tarmaǵyna «Qazaqstan Respýblikasynyń zańdarynda kózdelgen jaǵdailardy qospaǵanda, advokattyń quqyqtary shekteýge jatpaidy» degen ereje engizildi. Zańdy advokattyq qyzmetke aralasý nemese kedergi keltirý zańda kózdelgen jaýapkershilikke tartylady».
Budan basqa, depýtat Perýashev suratylǵan aqparatty advokatqa berýden bas tartýǵa negiz bolatyn negizdemelerdiń tutastai tizbegin joiýǵa qol jetkizdi (máselen, durys emes rásimdeý, maǵlumattyń bolmaýy, qajettiliktiń bolmaýy, zańgerlik kómek kórsetý maqsatynyń sáikes kelmeýi).
«Aq jol» basshysynyń qabyldanǵan túzetýlerine sáikes eger ol qoljetimdigi shekteýli aqparat retinde tanylsa ǵana suratylǵan aqparatty advokatqa berýden bas tartýy múmkin.
Ol, sondai-aq, advokattyq qyzmetti júrgizý úshin qajetti (36 bap, 9 tarmaq boiynsha) kompiýterlerdi, smartfondardy jáne basqa da tehnikalyq quraldardy jáne de advokattyq qoǵamdastyqtyń múddesine ózge de birqatar jańa engizilimderdi sotta qoldanýǵa zańnamalyq ruqsat berýdi talap etti.
«Bizdiń mindetimiz – sot protsesiniń shyn mánindegi ashyqtyǵy men saiyskerligine, azamattardyń tiimdi qorǵalýyna degen konstitýtsiialyq quqyǵyn tolyqqandy júzege asyrýǵa, sotta isterdi adamdardyń laýazymy men bedeline qarap, «betiń bar, júziń bar» demei obektivti jáne kúni buryn kesip-pishilmegen túrde qaraýdy qamtamasyz etýge, tóreshilerdiń jumysy men quqyq qorǵaý júiesindegi ádeii aiyptaýshy kózqarasty boldyrmaýǵa qol jetkizý. Al, oǵan myqty ári táýelsiz advokattarsyz qol jetkizý múmkin emes», - dep bul rette Azat Perýashev basa aitty.
Ókinishke orai, «aqjoldyqtar» kóshbasshysynyń eki usynysy - advokattardyń óz qorǵalýshysyna qatysty tergeý áreketterin júrgizý barysynda olardy jasyryn yntymaqtastyqqa tartýǵa tyiym salý týraly jáne de advokattar alqasyn óz áriptesterin ustaǵan jaǵdaida dereý habardar etý týraly usynysy - jumys tobynyń kópshilik daýysymen qabyldanbady. Soǵan qaramastan, engizilgen normalar tipti Respýblikalyq advokattar alqasynyń tóraǵasy Ánýar Túgel bastaǵan advokattar qoǵamdastyǵynyń qol soǵyp kórsetken qoshemetimen qabyl alyndy.
Ári qarai bul sheshimder Májilistiń Sot-quqyqtyq reforma jónindegi komitetinde jáne Májilistiń plenarlyq otyrysynda qoldaý tapty. Onda zań qabyldanyp, Senatqa joldandy.
«Aq jol» QDP parlamenttik fraktsiiasy sailaýaldy baǵdarlamany júzege asyrý jáne óz sailaýshylarynyń: kásipkerler men qarapaiym azamattardyń múddesin qorǵaý boiynsha jumystardy jalǵastyrýda.
.jpg)