Táýelsizdik saraiynda Qazaqstan Respýblikasy Prezidentiniń janyndaǵy Ulttyq qoǵamdyq senim keńesiniń alǵashqy otyrysy ótti. Otyrysqa Memleket basshysy Qasym-Jomart Toqaev tóraǵalyq etti.
Jiynda advokat Aiman Omarova baiandama jasady. Ol óz sózinde «Advokattyq qyzmet jáne zań kómegi týraly», «Bosqyndar týraly», «Buqaralyq aqparat quraldary týraly» zańdarǵa ózgerister engizý kerek ekenin aitty. Onyń aitýynsha, advokattar kómekterin eshkimnen qoryqpai kórsetýi kerek. Al jýrnalister eshbir qysymsyz jumys atqarýy qajet.
«Mysaly, qazir mende 13 jýrnalist bar. Men olardyń quqyǵyn qorǵap júrmin. Senesizder me? Jýrnalisterdi qorqytqan, urǵan, tepken, balaǵattaǵan. Kóbinese politsiia qyzmetkerleri istegen. Bundai bolmaý kerek. Ol bizdiń imidjimizge qatty tiedi», - dedi Aiman Omarova.
Quqyq qorǵaýshy elimizde túrme reformasy qajet ekenin de aitty.
