25 sáýirde advokat Johar Ótebekov ulttyq qoǵamdyq senim keńesiniń burynǵy múshesi, belgili jýrnalist Arman Shoraevtyń ústinen qozǵalǵan qylmystyq istiń toqtaǵanyn habarlady.
"IIM tergeýshisi qylmystyq quramy joq bolǵandyqtan jalǵan aqparat taratý isi boiynsha Arman Shoraevtyń ústinen qozǵaǵan qylmystyq isti qazir ǵana toqtatty" dep jazdy Ótebekov Facebook-taǵy paraqshasynda.
18 sáýirde Almaty qalalyq politsiia departamenti ulttyq qoǵamdyq senim keńesiniń burynǵy múshesi Arman Shoraevtyń ýaqytsha ustaý izoliatoryna qamalǵanyn habarlaǵan. Ol "tótenshe jaǵdai kezinde kórineý jalǵan aqparat taratý" baby boiynsha kúdikke ilingen. Keiinnen advokaty Shoraevtyń qolhatpen qamaýdan bosap shyqqanyn habarlaǵan.
Arman Shoraev - QR Prezidenti janyndaǵy BAQ (aqparattyq saiasat) jónindegi Qoǵamdyq keńestiń burynǵy múshesi. Ol 2006 jyly - "Habar" Agenttigi" AQ Bas direktorynyń orynbasary, 2006-2007 jyldary - QR Prezidenti Ákimshiligi Áleýmettik-saiasi bóliminiń bas inspektory, 2007-2014 jyldary - "Kommertsiialyq televiziialyq arna" AQ bas direktory bolǵan.
