Qazaqstan Respýblikasynyń
Prezidenti N.Á.Nazarbaevqa
Qazaqstan Respýblikasynyń
azamattary atynan
A Sh Y Q H A T
Qurmetti Nursultan Ábishuly!
Sizge memleketimizdiń eń joǵarǵy laýazymdy tulǵasy jáne Qazaqstan Respýblikasy Konstitýtsiiasynyń kepili retinde joldana otyryp, kelesi másele boiynsha Ózińizdiń jeke aralasyp saiasi sheshim qabyldaýyńyzdy suraimyz.
Qazirgi kezde Almaty oblysy Panfilov aýdandyq sotynda, zańsyz shekara buzǵany úshin QHR azamaty, etnikalyq qazaq Sairagúl Saýytbaiǵa qatysty qylmystyq is qaralýda.
Ózine taǵylǵan aiypty Saýytbai tolyǵymen moiyndaýda, Qazaqstannyń memlekettik shekarasyn buzý sebebin, 2016 jyldan beri QR azamattyǵyn alǵan otbasymen qaýyshý, sonymen qatar, budan ári QHR turý múmkin emestigi sebebimen túsindiredi. Sebebi, atalǵan memlekettiń ShUA okrýginde az ult ókilderi, onyń ishinde etnikalyq qazaqtarǵa qatysty jappai adam quqyǵyn buzý faktileri oryn alýda.
Ol týraly halyqaralyq quqyqqorǵaý uiymdarynyń esepterinde de kórsetilýde (jalǵandy).
Qazaqstannyń qylmystyq zańnamasyna sáikes, bundai qylmystar úshin elden shyǵarý - mindetti qosymsha jaza retinde kórsetilgen.
Alaida Saýytbai elden shyǵarylǵan jaǵdaida, QHR qylmystyq zańnamasyna sáikes, ony ólim jazasy kútip tur, sebebi;
- Ol QHR-da memlekettik qyzmette bolǵan;
- QHR Kommýnistik partiiasynyń múshesi bolǵan;
- Etnikalyq qazaqtarǵa arnap salynǵan kontslager qyzmetshisi retinde, QHR memlekettik qupiialaryn bilgen.
Bárimizge belgili, Qazaqstan Azaptaýlarǵa jáne basqa da qatygez, adamgershilikke jatpaityn nemese ar-namysty qorlaityn is-áreketter men jazalaý túrlerine qarsy konventsiiaǵa qosylǵan el, ony 1998 jyly ratifikatsiialadyq, sonymen qatar, 2006 jyly Azamattyq jáne saiasi bostandyqtar týraly Halyqaralyq paktige de qosylǵanbyz. Atalǵan halyqaralyq shart normalary kez-kelgen azaptaý men qatygezdik oryn alý qaýpi bar elderge adamdy berýge, shyǵarýǵa tiym salady.
Qairgi kezde, Sairagúl Saýytbaiǵa qatysty qaralyp jatqan is jáne QHR ShUAO-gi etnikalyq qazaqtardyń jaǵdaiy tek elimizde ǵana emes, sonymen qatar álem boiynsha keńinen talqylanyp, qoǵamdyq rezonans týdyrýda (álemdik BAQ maqalalaryna silteme jalǵandy).
Osy turǵyda Sizdiń tarapyńyzdan Sairagúl Saýytbaidy Qytaiǵa bermeý týraly sheshim qabyldaǵanyńyz, Qazaqstannyń álemdik qaýymdastyq aldyndaǵy, táýelsiz jáne quqyqtyq memleket retindegi bedelin nyǵaita túseri sózsiz!
Atalǵandardyń negizinde, Sizden sy máselege aralasyp jáne:
- Halyqaralyq sharttar normalarynyń oryndalýyn qamtamasyz etip, Sairagúl Saýytbaidy QHR-a bermeýge yqpal etýińizdi,
- Sairagúl Saýytbaiǵa merziminen buryn azamattyq berýdi,
- QHR tarapynyń erekshe qyzyǵýshylyq tanytýy sebepti, Sairagúl Saýytbaidy qorǵaýǵa alýdy qamtamasyz etýdi suraimyz!
Qurmetpen,
Qorǵaýshy – advokat A.T.Quspan
