Foto: Kursiv.kz
Memleket basshysy Qasym-Jomart Toqaev Parlament Palatalarynyń birlesken otyrysynda «Ádiletti Qazaqstan: zań men tártip, ekonomikalyq ósim, qoǵamdyq optimizm» atty Qazaqstan halqyna Joldaýyn jariia etti.
Aitylǵan bastamalardyń bári elimiz Prezidentiniń ekonomikalyq jáne saiasi reformalardy júieli jalǵastyrýdyń elementteri bolyp tabylady.
Memleket basshysy aldaǵy kezeńdegi Qazaqstannyń odan ári damýynyń strategiialyq 9 baǵytyn atap ótti.
Prezident aqsha-nesie jáne fiskaldyq saiasat arasyndaǵy alshaqtyqty joiý negizgi basymdyqtyń biri ekenin jetkizdi. Onyń ishinde, turaqty salyq saiasatynyń qajettiligi, ákimshilendirýdi tolyq tsifrlandyrý arqyly Salyq kodeksin jeńildetý jáne salyq rejimderin ońtailandyrýdyń mańyzdylyǵy aityldy.
Munyń bári kásipkerler men biznes ieleri arasynda qalyptasqan «oiyn erejesin» qajet etetin suraqtarǵa naqty jáne boljamdy jaýap.
Memlekettiń salyq saiasatyndaǵy udaiy ózgerister jeke bastamanyń damý protsesiniń tejelýine ákeledi.
Prezident ekonomikaǵa kóbirek qarjy salýǵa bank sektoryn yntalandyrý qajet ekenin atap ótti. «Bankter týraly» jańa zań ázirleý jáne qabyldaý josparlanyp otyr. Bul jerde kúrdeli jáne daǵdarys jyldarynda osynaý qarjy institýttaryna memleket tarapynan qoldaý kórsetilgenin eske alý mańyzdy. Endi azamattar ekonomikany damytý men adamdardyń ál-aýqatyn arttyrýǵa atsalysý úshin bankterden naqty qaitarym kútedi.
Memleket basshysy odan ári reformalardyń mańyzdy baǵyttarynyń biri retinde investitsiialyq ahýaldy jáne biznesti júrgizý úshin jaǵdaidy jaqsartý qajettigin atap ótti. Úkimetke infliatsiiany báseńdetý jáne eldiń halyqaralyq rezervterin nyǵaitý tapsyryldy.
Investorlarǵa óndiristi damytý maqsatyn kózdeitin preferentsiialar ázirlenetin bolady. Joǵary qaita bólingen ónim shyǵaratyndarǵa barynsha tiimdi jaǵdai jasalyp, kásipkerlikti damytýǵa arnalǵan jeńildikter berilýi kerek. Shikizat satý jáne ony Qazaqstannan áketetin ýaqyt ótti. Sońǵy jyldary elimizde ártúrli salalarda joǵary óńdeý jáne sapaly ónim shyǵarýǵa jaǵdailar jasaldy. Ol úshin bizde - shikizat, tehnologiia, kadrlar – bári bar.
Aldymyzǵa óreli mindet qoiyldy – 2029 jylǵa qarai ekonomikadaǵy orta biznestiń úlesin keminde 15%-ǵa deiin ulǵaitý kerek. Bul maqsatqa jappai kásipkerlik rýhyn damytý, monopoliialardy shekteý jáne ártúrli salalarda básekelestik úshin naqty múmkindikter jasaý shartymen qol jetkizýge bolady.
Bul tapsyrmany oryndaý orasan zor mýltiplikativti áser etedi. Biz bir jaǵynan kásipkerler jańa shoǵyryn qalyptastyramyz jáne shaǵyn jáne orta bizneste jumys isteitinderdiń sanyn arttyramyz. Ekinshi jaǵynan, taýarlar men qyzmetterdi óndirý salasy aitarlyqtai serpin alady, olardyń bir bóligi eksportqa baǵyttalady.
Qasym-Jomart Toqaev sondai-aq elimizdiń ónerkásiptik áleýetin tolyq ashý úshin kúsh-jigerdi júieli túrde iske asyrýdy strategiialyq maqsat dep atady. Memlekettik satyp alýlarda jáne tutastai alǵanda óndiristerde otandyq shikizat pen ózge de bólshekterdi paidalaný óte mańyzdy.
Sapaly jáne turaqty ekonomikalyq ósýdiń negizi birinshi kezektegi infraqurylymdyq problemalardy sheshý bolyp tabylady. 2024 jyldyń sońyna deiin energetika jáne kommýnaldyq sektordy jańǵyrtý jónindegi ulttyq jobany bekitý tapsyryldy. Temirjol salasyn reformalaý jáne 12 myń shaqyrymǵa jýyq avtomobil joldaryn jóndeý jáne salý qajet.
Osynyń bári bizdiń tranzittik áleýetimizdi ashyp qana qoimai, túrli qyzmetter kórsetý boiynsha ilespe kásiporyndar men servistik kompaniialardy damytýǵa múmkindik beredi.
Atom elektr stantsiiasynyń qurylysy jónindegi 6 qazanda ótetin referendýmǵa jeke toqtalý kerek. Bul Prezident Toqaevtyń azamattardy sheshim qabyldaý úderisterine tartý men ashyqtyq baǵytyn aiqyn kórsetetin mańyzdy bastamasynyń biri.
Memleket basshysy elimizdiń kadrlyq áleýetin dáiekti túrde arttyrýǵa erekshe nazar aýdaryp otyr.
Prezident elimizge asa mańyzdy bolyp otyrǵan: sý salasynyń mamandaryn, qurylysshylar men energetikter jáne basqa da kóptegen qyzmetkerlerdi daiarlaýǵa memlekettik tapsyrysty ulǵaitý qajettigin atap ótti.
Sý tasqyny, energetika obektilerindegi tótenshe jaǵdailar jáne basqa da keiingi kezdegi oqiǵalar arnaýly sala mamandary bolmaiynsha infraqurylym obektileriniń tozýyna bailanysty qaýip-qatermen kúresý múmkin emestigin kórsetti.
Ol úshin salalyq ministrlik naryqtyń qajettiligin naqty bilip, Qazaqstannyń qazirgi ekonomikasy jaǵdaiynda kadrlarǵa zárýlikke taldaý jasalýy tiis.
Elimizdiń kadrlyq áleýetin arttyrý maqsatynda joǵary bilim berýdi san-salaly maqsatta ulǵaitý jáne pedagogikalyq joǵary oqý oryndaryna irikteýdi kúsheitý jalǵasatyn bolady. Sheteldik ýniversitetterdi Qazaqstanǵa tartý, bir jaǵynan, osy naryqtaǵy básekelestikti arttyrýǵa yqpal etedi. Ekinshi jaǵynan, ol oqý protsesiniń sapasyn jaqsartý úshin jumys isteidi.
2024 jylǵy Joldaýda belgilengen strategiialyq mindetterdiń biri – ult densaýlyǵyn nyǵaitý úshin keshendi sharalardy iske asyrý jáne azamattardy áleýmettik qoldaý júiesin qaita jańǵyrtý ekeni aityldy. Biryńǵai memlekettik meditsinalyq aqparattyq júie qurylady. Sondai-aq, ziiandy eńbek jaǵdaiynda jumys isteitin adamdar úshin arnaiy tólemder jalǵasady.
Prezident elimizde ekologiialyq jaǵdaidy jaqsartý jáne qorshaǵan ortaǵa uqypty qaraýdy damytý máselesi sheshilýi tiis ekenin atap ótti. Memleket basshysy tabiǵatty qorǵaý máselesinde biznestiń jaýapkershiligin arttyrýdyń mańyzdylyǵyna toqtaldy. Ormandar men dalalardy órtten qorǵaý jáne Qazaqstannyń biregei florasy men faýnasyn saqtaýǵa basa nazar aýdarý asa mańyzdy mindet ekeni daýsyz.
Úkimetke memlekettik basqarýdyń tiimdiligin túbegeili arttyrý mindeti qoiyldy. Biýdjet qarjysyn tiimdi paidalaný, shyǵyndardy shekteý jáne qatań baqylaý bolýy kerek.
Eń basty baǵdar – «kórpege qarai kósilý».
Ulttyq qor qarjysyn tek strategiialyq maqsattarǵa qol jetkizý úshin ǵana paidalaný kerek.
Prezidenttiń aitýynsha, qoǵamda biryńǵai zań men tártiptiń ideologiiasy alǵa shyǵýy tiis. Memleket basshysy Qazaqstandy jaily jáne qaýipsiz ómir aýmaǵyna ainaldyrý – basty mindet dep atady. Sondai-aq túrli alaiaqtyq shemalarǵa qazaqstandyqtardyń immýnitetin kúsheitý jóninde sharalar qabyldaý kerektigi tapsyryldy. Bul ásirese sońǵy kezderi asa mańyzdy bolyp otyr.
Osy mindetterdiń bárin oryndaý úshin, árine, búkil memlekettik apparat, depýtattyq korpýs, biznes ókilderi, qoǵamdyq uiymdar jáne elimizdiń barlyq azamattary tize qosyp, birigýi qajet. Biz tek syndarly dialog arqyly ǵana naǵyz Ádiletti Qazaqstandy birge qura alamyz.
