Foto: Parlament Májilisinen
Búgin Parlament Májilisi otyrysynda depýtat Rinat Zaiytov bilik ókilderinen prezident aitqan «Ádiletti Qazaqstanǵa» qashan jetetinimizdi surady dep habarlaidy "Ult Aqparat".
«Aitatyn basqa jerim joq, aitýǵa májbúrmin. Ishki ister ministrligi, Bas prokýratýra, Joǵarǵy sottyń ókilderine, bizdiń prezidenttiń halyqqa úmit bergen bir sózi – «Ádiletti Qazaqstan» degen sózi edi, qazir Qazaqstanda kez kelgen adamdy kósheden alyp kete salyp, qamai salatyn múmkindik bar. Oǵan joq jerden aiyp taǵatyn prokýratýra bar, sheshim shyǵara salatyn sot bar. Osy oraida suraq, ádiletti Qazaqstan ornatýdy qashanǵa josparlap otyrsyzdar?» - dedi Rinat Zaiytov óz sózinde.
