Foto: Gov.kz
2024 jyldyń 2 qyrkúieginde Memleket basshysy Qasym-Jomart Kemeluly Toqaevtyń Qazaqstan halqyna «Ádiletti Qazaqstan: quqyq tártibi, ekonomikalyq órleý, qoǵamdyq optimizm» atty Joldaýy jariialandy. El reformasyn ózgertýde Prezident negizgi toǵyz baǵytty atap kórsetti:
· Aqsha-nesie saiasaty men fiskaldy saiasattyń arasyndaǵy úilesimsizdikti joiý qajet.
· Investitsiialyq ahýaldy jáne biznes júrgizýge qajetti jaǵdaidy jaqsartý jolynda úzdiksiz jumys isteý mańyzdy
· Elimizdiń ónerkásip áleýetin tolyq paidalaný úshin jan-jaqty sharalar qabyldaý qajet.
· Infraqurylymǵa qatysty ózekti máselelerdi sheshý qajet.
· Elimizdiń kadrlyq áleýetin birtindep arttyrý óte mańyzdy.
· Ult saýlyǵyn nyǵaitý úshin keshendi sharalardy qolǵa alyp, halyqty áleýmettik qoldaý júiesin jańǵyrtý kerek.
· Ekologiialyq ahýaldy jaqsartý – aldymyzda turǵan negizgi mindettiń biri. Biz qoǵamda qorshaǵan ortany qorǵaýdyń mán-mańyzyn keńinen dáripteýimiz kerek.
· Memlekettik basqarý isiniń tiimdiligin barynsha arttyrý kerek.
· Qoǵamda zań men tártip ideologiiasyn tereń ornyqtyrý qajet.
Osy baǵyttardy qolǵa alyp, iske asyrý aiasynda Qasym-Jomart Kemeluly jeke kásipkerlik bastamalardy qoldaý, baǵany ornyqtyrý saiasatynda memlekettik qatynasty azaita otyryp, kásip pen taýardyń ózektiligin aitty. Sonymen qatar salyqtyq baqylaý qyzmetin sandyq formatqa ózgertý, differentsialdy salyq mólsherlemesine kóshý máselesi de talqylandy.
Joldaýdyń besinshi baǵytynda Prezident Qazaqstandaǵy kadrlyq áleýetti kóterý maqsatynda 2025 jyldy Jumysshy mamandyqtar jyly dep jariialamaq. Joǵary oqý oryndarynan bólek, kásiptik jáne tehnikalyq orta bilim beretin mekemelerdegi talapkerler sapasyn arttyrý, bilim berý júiesine reforma jasaý da qolǵa alynbaq. Memleket basshysynyń tapsyrmasymen júze asyrylyp jatqan «Jaily mektep» ulttyq jobasynyń aiasynda búginde 1300-den astam mektep qalypqa keltirilip, qoldanysqa berildi. Úkimet tarapynan bólek, demeýshiler men jeke kásipkerlerden de qarajatpen qamtamasyz etý josparda bar.
Jalpy investitsiianyń statýsyn kóterýge talpynsaq, eldi mekenderdegi meditsinalyq uiymdar men aýrýhanalardy, mektepterdi, orta jáne shaǵyn biznesti qoldaý, oǵan investitsiia tartý – aiqyn másele. Odan bólek, elimizge sapaly kadr tartý maqsatynda tiimdi kóshi-qon saiasaty men quqyq organdaryndaǵy apelliatsiiaǵa berý erejesi men sottyq alymdardy ózgertý usynyldy.
Qorytyndylai kele, Prezident Qasym-Jomart Kemeluly sońǵy joldaýynda kelesidei máselelerdi alǵa qoiyp, ony sheshý joldaryn tapsyrdy:
- Qarjylyq saýattylyq
- Nesie saiasaty
- Biznes-investitsiia
- Ónerkásip salasyn ilgeriletý
- Telekommýnikatsiia jelileri men áýe habtaryn damytý
- Oqytýshylar men muǵalimder kadryn jaqsartý
- Bilim sapasyn kóterý
- Meditsinalyq mekemelerdi kóbeitý
- MÁMS júiesin damytý
- Orman alqaptaryn kóbeitý
- «Taza Qazaqstan» jalpyulttyq aktsiiasyn júzege asyrý
- Sailaý júiesindegi reforma
- Júrgizýshilerdi daiarlaý júiesin kóterý
- Esirtki saýdasyna qarsy kúres
Bolashaqta tizimdegi barlyq máseleler óz sheshimin taýyp, halyqtyń údeýine qulaq asatyn Ádiletti memleket bolatynymyzǵa úmitimiz zor. Al Qasym-Jomart Kemeluly usynǵan konstitýtsiialyq jańalyqtar memleketti monopolizatsiialaýǵa ushyraýdan saqtap, ashyq básekelestik ornyqqan, ádiletti Qazaqstandy qurýǵa múmkindik beredi dep senemiz.
Nazerke Dalelhanqyzy
Ál-Farabi atyndaǵy QazUÝ jýrnalistika fakýlteti Baspagerlik-redaktorlyq jáne dizainerlik óner kafedrasynyń aǵa oqytýshysy
