©️ ktk.kz
Ádilet vitse-ministri Botagóz Jaqselekova 24 jylǵa sottalǵan burynǵy ulttyq ekonomika ministri Qýandyq Bishimbaevtyń shartty túrde merziminen buryn bosatylý múmkindigine qatysty pikir bildirdi, - dep habarlaidy «Ult aqparat» KTK telearnasyna silteme jasap.
Vitse-ministr zań boiynsha, aýyr qylmys jasaǵany úshin sottalǵandardyń bas bostandyǵynan aiyrý ornynan shartty túrde merziminen buryn shyǵýyna múmkindigi bar ekenin túsindirdi. Ol úshin belgili bir talaptar oryndalýy kerek. Eger qylmyskerdiń túrmedegi minez-qulqy oń sipatta bolsa, onda ol jazasyn ótep jatqan mekeme shartty túrde merziminen buryn bosatý týraly ótinish bere alady.
Alaida, sottalýshy jazasynyń úshten ekisin óteýi kerek, oǵan deiin bolmaidy. Mundai ótinishtiń nátijesin sot sheshýi kerek. Bul rette aýyr aiyp taǵylǵandar úshin taǵy bir shart bar.
"Iá, bul is boiynsha jábirlenýshi taraptyń kelisimi qajet. Biraq bul, birinshiden, sot sheshiminiń quzyreti bolatynyn taǵy bir ret atap ótkim keldi. Ekinshisi - osy úkim boiynsha naqty kúshine enýin kútýimiz kerek. Sondyqtan, osy kezeńde qandai da bir pikir bere almaimyn", - dedi Jaqselekova.
