©️ ktk.kz
ەدٸلەت ۆيتسە-مينيسترٸ بوتاگٶز جاقسەلەكوۆا 24 جىلعا سوتتالعان بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ شارتتى تٷردە مەرزٸمٸنەن بۇرىن بوساتىلۋ مٷمكٸندٸگٸنە قاتىستى پٸكٸر بٸلدٸردٸ, - دەپ حابارلايدى «ۇلت اقپارات» كتك تەلەارناسىنا سٸلتەمە جاساپ.
ۆيتسە-مينيستر زاڭ بويىنشا, اۋىر قىلمىس جاساعانى ٷشٸن سوتتالعانداردىڭ باس بوستاندىعىنان ايىرۋ ورنىنان شارتتى تٷردە مەرزٸمٸنەن بۇرىن شىعۋىنا مٷمكٸندٸگٸ بار ەكەنٸن تٷسٸندٸردٸ. ول ٷشٸن بەلگٸلٸ بٸر تالاپتار ورىندالۋى كەرەك. ەگەر قىلمىسكەردٸڭ تٷرمەدەگٸ مٸنەز-قۇلقى وڭ سيپاتتا بولسا, وندا ول جازاسىن ٶتەپ جاتقان مەكەمە شارتتى تٷردە مەرزٸمٸنەن بۇرىن بوساتۋ تۋرالى ٶتٸنٸش بەرە الادى.
الايدا, سوتتالۋشى جازاسىنىڭ ٷشتەن ەكٸسٸن ٶتەۋٸ كەرەك, وعان دەيٸن بولمايدى. مۇنداي ٶتٸنٸشتٸڭ نەتيجەسٸن سوت شەشۋٸ كەرەك. بۇل رەتتە اۋىر ايىپ تاعىلعاندار ٷشٸن تاعى بٸر شارت بار.
"يە, بۇل ٸس بويىنشا جەبٸرلەنۋشٸ تاراپتىڭ كەلٸسٸمٸ قاجەت. بٸراق بۇل, بٸرٸنشٸدەن, سوت شەشٸمٸنٸڭ قۇزىرەتٸ بولاتىنىن تاعى بٸر رەت اتاپ ٶتكٸم كەلدٸ. ەكٸنشٸسٸ - وسى ٷكٸم بويىنشا ناقتى كٷشٸنە ەنۋٸن كٷتۋٸمٸز كەرەك. سوندىقتان, وسى كەزەڭدە قانداي دا بٸر پٸكٸر بەرە المايمىن", - دەدٸ جاقسەلەكوۆا.
