QR Ádilet ministriniń buiryǵymen Asqar Erbolatuly Úmbetaliev QR Ádilet ministrligi apparatynyń basshysy qyzmetine taǵaiyndaldy, – dep habarlaidy QR Premer-Ministriniń baspasóz qyzmeti.
Asqar Úmbetáliev 1980 jyly Qyzylorda oblysynda týǵan.
Qazaq memlekettik zań ýniversitetin, Almaty ekonomika ýniversitetin, London ekonomika jáne saiasi ilim mektebin (taǵylymdama) bitirgen. Mamandyǵy boiynsha biliktiligi — quqyqtaný, qarjy bakalavry.
Eńbek jolyn 1997 jyly «KazIýjBodStroi» AQ-da 4-razriadty montajdaýshy bolyp bastady.
2003-2007 jyldary — qarjy politsiiasy organdarynda qyzmet etti (Ekonomikalyq jáne sybailas jemqorlyq qylmystaryna qarsy kúres departamenti).
2007 jyldan 2009 jyl aralyǵynda QR Qarjy ministrligi Salyq komitetiniń Aktsizderdi ákimshilendirý basqarmasynda jumys istedi.
2009 jyldan 2016 jylǵa deiin QR Ádilet ministrliginiń Sot saraptamasy ortalyǵynda basshylyq laýazymdar atqardy.
2016 jylǵy shilde-jeltoqsan aralyǵynda «SQ-Farmatsiia» JShS Quqyqtyq qamtamasyz etý bóliminiń bastyǵy bolyp jumys istedi.
2016 jyldan 2020 jyldyń shildesi aralyǵynda QR Ádilet ministrliginiń Saraptama qyzmetin uiymdastyrý departamentinde túrli laýazymdarda jumys istedi.
2020 jyldyń shildesinen jeltoqsany aralyǵynda — QR Ádilet ministrliginiń Sot saraptamalary ortalyǵynyń direktory.
2020 jylǵy jeltoqsannan qazirgi ýaqytqa deiin QR Ádilet ministrliginiń Ishki ákimshilendirý departamentiniń direktory qyzmetin atqardy.
