Úkimettiń zań jobalaý jumystarynyń 2021 jylǵa arnalǵan jospar jobasynda 25 zań jobasyn ázirleý qarastyryldy. Bul týraly Úkimet otyrysynda QR Ádilet ministri Marat Beketaev málim etti, dep habarlaidy QazAqparat.
«Úkimettiń zań jobalaý jumystarynyń 2020 jylǵa arnalǵan jospary bekitilgende 17 zań jobasyn ázirleýdi jáne Parlamentke engizýdi kózdedi. Jyl ishinde engizilgen túzetýlerdi eskere otyryp, Jospar 22 zań jobasyn ázirleýdi jáne Parlamentke engizýdi qamtydy. Túzetýlermen 7 zań jobasy engizildi, 2 zań jobasy alyp tastaldy, 2 zań jobasy boiynsha engizý merzimderi aýystyryldy. Memlekettik organdardyń zań jobalaryn engizý merzimderin aýystyrýy Premer-Ministr Keńsesi jáne Prezident Ákimshiligi basshylyǵymen kelisildi», - dedi ministr.
Onyń aitýynsha, ázirleýshi organdar Úkimettiń zań jobalaý jumystary Josparynyń ýaqtyly oryndalýy, sondai-aq zań jobalaý qyzmetin tiimdi josparlaý boiynsha barlyq qajetti sharalardy qabyldady.
«Búgingi tańda Úkimettiń zań jobalaý jumystarynyń 2020 jylǵa arnalǵan jospary tolyq kólemde oryndaldy, 22 zań jobasynyń barlyǵy Parlamentke ýaqtyly engizildi», - dep túsindirdi M. Beketaev.
Sonymen qatar ol Úkimettiń zań jobalaý jumystarynyń 2021 jylǵa arnalǵan jospar jobasyna toqtaldy.
«Ádilet ministrligi Zań jobalaý qyzmeti máseleleri jónindegi vedomstvoaralyq komissiianyń múshelerimen birlesip, memlekettik organdardyń usynystary boiynsha Úkimettiń zań jobalaý jumystarynyń 2021 jylǵa arnalǵan jospar jobasyn daiyndady. Jospar jobasy Memleket basshysy jáne strategiialyq qujattarda aiqyndalǵan tapsyrmalar negizinde qalyptastyryldy, onda 25 zań jobasyn ázirleý kózdelgen. Ázirlenýge usynylǵan zań jobalardyń ishinen 2021 jyldyń birinshi jartyjyldyǵynda Parlamentke 13 zań jobasyn, al ekinshi jartyjyldyǵynda 12 zań jobasyn engizý josparlanyp otyr», - dep naqtylady M. Beketaev.
Aldaǵy jyly «Qoǵamdyq baqylaý týraly», «Qazaqstan Respýblikasynyń biologiialyq qaýipsizdigi týraly», «Geodeziia, kartografiia jáne keńistiktik derekter týraly» jáne «Áskeri politsiia organdary týraly» jańa zań jobalarynyń ázirlenýi eskerilgen.
