Foto: Kazinform
QR Ádilet ministri Azamat Esqaraev britandyq saiasatker Margaret Tetcherge tiesili «Dostyq» ordeniniń satylýy jóninde pikir bildirdi, dep habarlaidy Kazinform HAA.
«Bul aqparattan habardarmyz. Árine, bizdiń zańnama boiynsha memlekettik nagradalardy satýǵa bolmaidy. Bul úshin bizdiń Qylmystyq kodekste jaýapkershilik bar. Eger adam memlekettik nagradalardy saýdalasa, tiisti jaýapkershilikke tartylady. Margaret Tetcher tarihi tulǵa bolǵandyqtan, olardyń jeke zattaryn, qujattary men habbaryn aýktsionǵa shyǵarý tájiribesi bar. Bul olardyń mádenietiniń bir bóligi», — dedi ministr M. Nárikbaev atyndaǵy ýniversitette tilshilerge bergen suhbatynda.
Tilshiler ministrden dál osy oqiǵa boiynsha tekserý júrgizý men jaýapqa tartý sharalary júrgizile me dep surady.
Óz kezeginde A. Esqaraev bul suraq Syrtqy ister jáne Mádeniet ministrlikteriniń quzyretinde ekenin aitty.
Buǵan deiin BAQ betterinde Margaret Tetcherge tabystalǵan «Dostyq» ordeniniń satylymǵa shyǵarylǵany habarlanǵan edi.
Bul marapat Margaret Tetcherge 2001 jyly Qazaqstan men Ulybritaniia arasyndaǵy qarym-qatynastardy damytýǵa qosqan úlesi úshin berilgen.
