Táýelsizdiktiń 30 jyldyǵyna orai jasalatyn amnistiia Qazaqstandaǵy kriminogendik jaǵdaidy ýshyqtyrmai ma? Bul máselege qatysty Ádilet ministri Marat Beketaev túsinik berdi, dep habarlaidy "Ult aqparat".
«Bul turǵyda raqymshylyq jasaý týraly qujattyń naqty baptaryna bailanysty. Ótken jyldardaǵy tájiribege toqtalsaq, qaskói qylmyskerler raqymshylyq is-sharalarymen qamtylmady jáne bizde sybailas jemqorlar úshin jaza boiynsha erekshe normalar bar. Sondyqtan osy salalarda amnistiiaǵa bailanysty qandai da bir jaǵdaidyń ýshyǵýy bolady dep topshylaý durys emes. Sebebi bul zań jobasyn daiyndaýǵa qatysatyn zań shyǵarýshylar men quqyq qorǵaý organdary barlyq jaǵdai men faktorlardy nazarǵa alady», - dedi Beketaev Ortalyq kommýnikatsiialar qyzmetinde.
Eske sala keteiik, biyl aqpan aiynda QR Ishki ister ministrligi «Raqymshylyq jasaý týraly» Qazaqstan Respýblikasynyń zań jobasyn qoǵam talqylaýyna usyndy.
Byltyrǵy 29 qazanda Ishki ister ministrliginiń keńeitilgen alqa májilisine qatysqan Prezident Qasym-Jomart Toqaev Qazaqstan Táýelsizdiginiń 30 jyldyǵyna orai, azamattarǵa jáne jalpy memleketke qaýip keltirmeitin qylmys jasaǵan adamdarǵa amnistiia jasalatynyn jetkizdi.
