Ádilbek Jaqsybekov «QazTransGaz» kompaniiasynyń direktorlar keńesiniń tóraǵasy bolyp sailandy. Bul aqparatty kompaniianyń baspasóz qyzmeti rastady, dep habarlaidy "Ult aqparat".
Ádilbek Jaqsybekov 1954 jyly 26 shildede Qostanai oblysy Qarabalyq aýdany Búrli aýylynda dúniege kelgen. 1978 jyly Búkilodaqtyq kinematografiia (Máskeý) memlekettik ýniversitetin támamdaǵan. 1987 jyly Plehanov atyndaǵy halyq sharýashylyǵy institýtynda «materialdyq-tehnikalyq jabdyqtaýdy uiymdastyrýshy» mamandyǵy boiynsha qaita daiarlyqtan ótken. Ekonomika ǵylymdarynyń kandidaty.
Ádilbek Jaqsybekov astananyń alǵashqy ákimi. Ár jyldary Prezidenttiń kómekshisi, Indýstriia jáne saýda ministri, Qorǵanys ministri qyzmetterin atqaryp, Prezident Ákimshiligin basqarǵan.
«QazTransGaz» aktsionerlik qoǵamy elimizdiń jáne dúniejúziniń gaz naryǵynda memlekettiń múddesin bildiretin eldegi gazben jabdyqtaý salasyndaǵy iri kompaniia. «QazTransGaz» AQ tabiǵi gazdy magistraldyq gaz qubyrlary boiynsha tasymaldaýdy basqarady, ishki jáne syrtqy naryqqa gaz óndirýmen, satýmen ainalysady. Qubyr joldary men gaz saqtaý qoimalaryn ázirleidi, qarjylandyryp, paidalanady.
QazTransGaz – tutynýshylarǵa senimdi gaz jetkizip otyrǵan Ortalyq Aziia óńirindegi iri gaz tasymaldaý jelisi jáne ishki gaz jabdyqtaý júiesi bar irgeli kompaniia.
