Mádeniet jáne sport ministrligi Til saiasaty komiteti «Ult ádebieti – jastar kózimen» atty jas aqyn-jazýshylarmen onlain kezdesý ótkizdi, dep habarlaidy "Ult aqparat".
Jas urpaqty ulttyq dástúrde tárbieleýdegi ádebiet pen jas talantty aqyn-jazýshylar róli qandai? Besiktegi búldirshin men mekteptegi oqýshy ulttyq tárbiege qanyǵyp ósip kele me? Mine, onlain kezdesýde osy mańyzy joǵary ulttyq rýhaniiattaǵy til, oi qundylyǵy, jastar tárbiesindegi ádebiet máseleri talqylandy.
Pikirtalasqa elimizge tanymal jas aqyn-jazýshylar, «Ana tili» gazetiniń bas redaktory, aqyn Janarbek Áshimjan, Memlekettik «Daryn» syilyǵynyń iegeri Erlan Júnis, «Balapan» telearnasynyń direktory Maqpal Jumabai, aqyn, aýdarmashy Maqpal Mysa, jazýshy ári dramatýrg, synshy Álibek Baibol, jas dramatýrg, prozashy Jaqsylyq Muratbek qatysyp, utymdy oilaryn ortaǵa saldy.
«Eldiń erteńgi ziialylary, el aqiqatyn aita alatyn jas ádebietshileri retinde sizdermen aqyldasaý mańyzdy. Jas qalamgerler men Úkimet arasynda bailanys ornatý - sanaǵa qanat bitiretin, balalar oiynyń damýyna úles qosatyn shyǵarmalar jazýǵa talpyndyrý dep oilaimyn. Balalar tilinde sóilei alatyn, olardyń sanasyna ulttyq dástúrdi qalyptastyra alatyn shyǵarmalarǵa zárýmiz. Balanyń tiliniń ózge tilde shyǵýyna myna ózgermeli zamandaǵy jańa tehnologiianyń da kesiri bar. Sol tehnologiialyq qurylǵylardaǵy tárbielik dúnieniń bári ózge tilde. Animatsiialyq dúnieler joqtyń qasy. Bolǵan jaǵdaida máni men maǵanasy qazaqi sanaǵa jetimsiz», - deidi Til saiasaty komitetiniń tóraǵasy Ádilbek Qaba.
Kezdesýde ásirese, kitap shyǵarý men taratý, klassifikatsiialaý, balalarǵa arnalǵan shyǵarmalarǵa qoiylatyn talaptardy álemdik dárejede saralaý qajettiginiń mańyzdylyǵy qozǵaldy. Sondai-aq, kitap taratý, syn janyry, dramatýrgiia, balalar ádebietin damytý týraly naqty usynystar aityldy.
Shara qortyndysy boiynsha jas jazýshylar usynǵan qundy usynystarǵa orai arnaiy sheshim qabyldanatyn boldy.
