Sahnada ádepsiz minez-qulyq tanytqan ánshilerdi 5 jylǵa deiin shettetý kreativti indýstriia naryǵynyń damýyna teris áser etýi múmkin. Bul jaiynda Senat depýtattarynyń saýalyna QR Premer-Ministri Álihan Smaiylovtyń jaýabynda aitylǵan, dep habarlaidy QazAqparat.
«QR Mádeniet jáne sport ministrligi oiyn-saýyq mádeni-buqaralyq is-sharalardy ótkizý tártibi jáne olardy uiymdastyrýshylardyń mindetteri Qazaqstan Respýblikasynyń «Mádeniet týraly» Zańynda qarastyrylǵanyn, alaida bul mindetterdi oryndamaǵany úshin jaýapkershilik uiymdastyrýshy men oryndaýshy arasynda tek azamattyq-quqyqtyq shartpen retteletinin atap ótedi. Bul rette Qazaqstan Respýblikasynyń Ákimshilik quqyq buzýshylyq týraly kodeksinde oiyn-saýyq mádeni-buqaralyq is-sharalardy jáne taǵy basqalaryn ótkizý barysynda kórermenmen qarym-qatynas kezinde ártisterdiń ádepsiz minez-qulyq tanytqany úshin uiymdastyrýshylarǵa jaýapkershilikti qarastyrý boiynsha múddeli memlekettik organdarǵa tapsyrma berildi», - dedi Úkimet basshysy jaýabynda.
Sonymen qatar, Premer-Ministr uiymdastyrýshylardyń tiisti qyzmetin nemese jekelegen qyzmet túrlerin toqtatý jáne tyiym salý, sondai-aq ánshilerdi 5 jylǵa deiin sahnadan shettetý kreativti indýstriia naryǵynyń damýyna teris áser etýi múmkin ekendigin alǵa tartady.
«Óz kezeginde Qazaqstan Respýblikasynyń Ishki ister ministrligi múddeli memlekettik organdarmen birlesip, vandalizm úshin jaýapkershilikti qatańdatý jónindegi kelisim boiynsha usaq buzaqylyq jasaǵany úshin sanktsiialardy ulǵaitýdy kózdeitin Qazaqstan Respýblikasynyń Ákimshilik quqyq buzýshylyq týraly kodeksine zańnamalyq túzetýlerdi ázirlep (434-baby), olardyń shekti mólsherlerin belgiledi: 1) 1-bólim boiynsha – 5-ten 20 AEK-ke deiin aiyppul, sondai-aq ákimshilik qamaýǵa alýdyń eń tómengi shegi 5-ten 15 táýlikke deiin; 2) 2-bólim boiynsha – ákimshilik qamaqqa alýdyń eń tómengi shegi 15-ten 30 táýlikke deiin», - dedi Álihan Smaiylov.
