ساحنادا ەدەپسٸز مٸنەز-قۇلىق تانىتقان ەنشٸلەردٸ 5 جىلعا دەيٸن شەتتەتۋ كرەاتيۆتٸ يندۋسترييا نارىعىنىڭ دامۋىنا تەرٸس ەسەر ەتۋٸ مٷمكٸن. بۇل جايىندا سەنات دەپۋتاتتارىنىڭ ساۋالىنا قر پرەمەر-مينيسترٸ ەليحان سمايىلوۆتىڭ جاۋابىندا ايتىلعان, دەپ حابارلايدى قازاقپارات.
«قر مەدەنيەت جەنە سپورت مينيسترلٸگٸ ويىن-ساۋىق مەدەني-بۇقارالىق ٸس-شارالاردى ٶتكٸزۋ تەرتٸبٸ جەنە ولاردى ۇيىمداستىرۋشىلاردىڭ مٸندەتتەرٸ قازاقستان رەسپۋبليكاسىنىڭ «مەدەنيەت تۋرالى» زاڭىندا قاراستىرىلعانىن, الايدا بۇل مٸندەتتەردٸ ورىنداماعانى ٷشٸن جاۋاپكەرشٸلٸك ۇيىمداستىرۋشى مەن ورىنداۋشى اراسىندا تەك ازاماتتىق-قۇقىقتىق شارتپەن رەتتەلەتٸنٸن اتاپ ٶتەدٸ. بۇل رەتتە قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸندە ويىن-ساۋىق مەدەني-بۇقارالىق ٸس-شارالاردى جەنە تاعى باسقالارىن ٶتكٸزۋ بارىسىندا كٶرەرمەنمەن قارىم-قاتىناس كەزٸندە ەرتٸستەردٸڭ ەدەپسٸز مٸنەز-قۇلىق تانىتقانى ٷشٸن ۇيىمداستىرۋشىلارعا جاۋاپكەرشٸلٸكتٸ قاراستىرۋ بويىنشا مٷددەلٸ مەملەكەتتٸك ورگاندارعا تاپسىرما بەرٸلدٸ», - دەدٸ ٷكٸمەت باسشىسى جاۋابىندا.
سونىمەن قاتار, پرەمەر-مينيستر ۇيىمداستىرۋشىلاردىڭ تيٸستٸ قىزمەتٸن نەمەسە جەكەلەگەن قىزمەت تٷرلەرٸن توقتاتۋ جەنە تىيىم سالۋ, سونداي-اق ەنشٸلەردٸ 5 جىلعا دەيٸن ساحنادان شەتتەتۋ كرەاتيۆتٸ يندۋسترييا نارىعىنىڭ دامۋىنا تەرٸس ەسەر ەتۋٸ مٷمكٸن ەكەندٸگٸن العا تارتادى.
«ٶز كەزەگٸندە قازاقستان رەسپۋبليكاسىنىڭ ٸشكٸ ٸستەر مينيسترلٸگٸ مٷددەلٸ مەملەكەتتٸك ورگاندارمەن بٸرلەسٸپ, ۆانداليزم ٷشٸن جاۋاپكەرشٸلٸكتٸ قاتاڭداتۋ جٶنٸندەگٸ كەلٸسٸم بويىنشا ۇساق بۇزاقىلىق جاساعانى ٷشٸن سانكتسييالاردى ۇلعايتۋدى كٶزدەيتٸن قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە زاڭنامالىق تٷزەتۋلەردٸ ەزٸرلەپ (434-بابى), ولاردىڭ شەكتٸ مٶلشەرلەرٸن بەلگٸلەدٸ: 1) 1-بٶلٸم بويىنشا – 5-تەن 20 اەك-كە دەيٸن ايىپپۇل, سونداي-اق ەكٸمشٸلٸك قاماۋعا الۋدىڭ ەڭ تٶمەنگٸ شەگٸ 5-تەن 15 تەۋلٸككە دەيٸن; 2) 2-بٶلٸم بويىنشا – ەكٸمشٸلٸك قاماققا الۋدىڭ ەڭ تٶمەنگٸ شەگٸ 15-تەن 30 تەۋلٸككە دەيٸن», - دەدٸ ەليحان سمايىلوۆ.
