Foto: QR MAM
Búgin Q.Qýanyshbaev atyndaǵy Qazaq ulttyq mýzykalyq drama teatrynda 2025 jylǵy «Aiboz» ulttyq ádebi syilyǵynyń jeńimpazdaryn marapattaý saltanaty ótti, dep habarlaidy Ult.kz.
Ulttyq ádebietti qoldaýǵa baǵyttalǵan bedeldi baiqaý qalamgerler qaýymy men ziialy ortada úlken qyzyǵýshylyq týdyrdy.
Saltanatty sharaǵa QR Premer-ministriniń orynbasary – QR Mádeniet jáne aqparat ministri Aida Balaeva, Qazaqstan Jazýshylar odaǵy Basqarmasynyń Tóraǵasy Mereke Qulkenov qatysty.
Biyl «Aiboz» ulttyq ádebi syilyǵyna jeti nominatsiia boiynsha 180-ge jýyq ótinim kelip túsken. Baiqaýdyń basty ereksheligi – qazylar alqasy shyǵarmalar avtoryn bilmei, ádil ári qupiia daýys berý arqyly úzdikterdi anyqtady.
2025 jylǵy «Aiboz» ulttyq ádebi syilyǵynyń jeńimpazdary:
Úzdik poeziia – Hamit Eseman, «Aisha bibi»
Úzdik proza – Dáýren Qýat, «Brýklin kópirindegi kezdesý»
Úzdik dramatýrgiia – Ádilbek Ybyraiymuly, «Kenesary han»
Úzdik aýdarma – Ásem Erejeqyzy, «Kún qarmaǵan bala»
Úzdik balalar ádebieti – Qanat Ábilqaiyr, «Altyn bala»
Úzdik ádebi syn – Amangeldi Keńshilikuly, «Muqaǵali men Enhe. Aqyn men adamnyń dramasy»
Úzdik komiks – Ildar Sansyzbaiuly, «TABÝ. Joǵalǵan úmittiń izi».
Marapattaý rásiminde sóilegen Aida Balaeva «Aiboz» ulttyq ádebi syilyǵynyń qazaq ádebietindegi jańa esimderdi tanytýǵa, shyǵarmashylyq erkindikti qoldaýǵa jáne sóz óneriniń qoǵamdyq mańyzyn arttyrýǵa baǵyttalǵan mańyzdy joba ekenin atap ótti.
