Qyrymbek Kósherbaev mádeniet salasy boiynsha Qazaqstan Respýblikasynyń Tuńǵysh Prezidenti – Elbasynyń 2019 jylǵy memlekettik stipendiiasyn tabystady, – dep habarlaidy QazAqparat.
Qazaqstan Respýblikasynyń Memlekettik hatshysy Qyrymbek Kósherbaev Memleket basshysynyń tapsyrmasy boiynsha belgili mádeniet jáne óner qairatkerlerine Qazaqstan Respýblikasynyń Tuńǵysh Prezidenti – Elbasynyń 2019 jylǵy mádeniet salasyndaǵy memlekettik stipendiiasyn tabys etti.
Memlekettik stipendiia Qazaqstannyń ádebiet pen óner salasyndaǵy 75 qairatkerine berildi.
Jyl saiyn taǵaiyndalatyn bul stipendiia – memlekettiń mádeniet jáne óner qairatkerlerine, shyǵarmashylyq qyzmetkerlerine, jas daryndarǵa jasaǵan qoldaýy men qamqorlyǵynyń aiǵaǵy, sondai-aq, olardyń Qazaqstannyń mádenietin órkendetip, álemge tanytýǵa qosqan úlesterine kórsetilgen qurmet.
QR Tuńǵysh Prezidenti – Elbasynyń stipendiiasy Ábdijámil Nurpeiisov, Qairat Baibosynov, Júrsin Ermanov, Merýert Ótekesheva, Aleksandr Garkavets, Gýlvira Razieva jáne basqa da qazaq ádebieti men óneriniń maitalmandaryna tabystaldy.
Sonymen qatar Kann halyqaralyq festivaliniń laýreaty Samal Eslámovaǵa, aktrisa Ainur Rahipovaǵa, balet ártisi Baqtiiar Adamjanǵa, aqyn Qanat Omarovqa, dástúrli mýzyka óneriniń oryndaýshysy Medyǵat Manapovqa, kino rejisseri Farhat Sháripovke jáne ózge de jas daryndarǵa memlekettik qoldaý kórsetildi.
