Búgin Jazýshylar odaǵynyń uiymdastyrýymen 2019 jylǵy ádebi jyl qorytyndysyna arnalǵan onlain konferentsiia ótti, dep habarlaidy "Ult aqparat".
Zoom formatynda ótken konferentsiiany kórnekti aqyn, QR Memlekettik syilyǵynyń laýreaty, Qazaqstan Jazýshylar odaǵy basqarmasynyń Tóraǵasy Ulyqbek Esdáýlet kirispe sózimen bastady. Tóraǵa Jazýshylar odaǵynyń bir jyl ishinde atqarǵan jumystaryna qysqasha sholý jasap, konferentsiia jumysyna sáttilik tiledi.
100-ge jýyq aqyn-jazýshylardyń basyn qosqan is-sharanyń moderatory belgili aqyn, filologiia ǵ.d. professor, Qazaqstan Jazýshylar odaǵy basqarma Tóraǵasynyń orynbasary Baýyrjan Jaqyp boldy. Tóraǵanyń orynbasarlary Aqberen Elgezek pen Mereke Qulkenov te atalǵan is-sharaǵa belsene qatysty.
Qazaqstan Jazýshylar odaǵynyń janrlyq keńesteri boiynsha:
Poeziia keńesinen – aqyn Erlan Júnis;
Proza keńesinen – jazýshy Ábdildabek Salyqbai;
Balalar ádebietinen – jazýshy Dildar Mamyrbaeva;
Orys ádebietinen – ádebiet zertteýshisi Svetlana Ananeva;
Ádebi syn – ádebiet zertteýshisi Aigúl Ismaqova;
Derekti proza – jazýshy Talǵat Aitbaiuly;
Dramatýrgiia – teatrtanýshy Amankeldi Muqan;
Fantastika – jazýshy Nárbin Kenjeǵulova
Satira – satirik Ermahan Shaihy;
Uiǵyr ádebietinen – jazýshy, aqyn Avýt Masimov baiandama jasady.
Túrli janr boiynsha árqily problema kótergen mazmundy baiandamalardan keiin jaryssózde sóz alǵan Mereke Qulkenov Jazýshylar odaǵynyń aldaǵy ailardaǵy jumys josparymen tanystyrdy. Sonymen qatar, Almaty oblystyq filialynyń direktory Ámire Árin, Qostanai oblystyq filialynyń direktory Januzaq Aiazbekov sóz sóilep, baiandamalarǵa qatysty pikir bildirdi.
Onlain konferentsiia QJO Tóraǵasy Ulyqbek Esdáýlettiń qorytyndy sózimen aiaqtaldy. Konferentsiia sońynan 2019 jyl qorytyndysy boiynsha Halyqaralyq «Alash» ádebi syilyǵyna ie bolǵan júldegerlerdiń esimi habarlandy.
Ádebi jyl qorytyndysynda oqylǵan baiandamalardy «Qazaq ádebieti» gazetiniń aldaǵy sandarynan oqi alasyzdar.
