Foto: muftyat.kz
Mádeniet jáne sport ministrliginiń keńeitilgen alqa otyrysynda sóz sóilegen Qazaqstan Jazýshylar odaǵynyń tóraǵasy Ulyqbek Esdáýlet elimizde kórkem aýdarma ortalyǵyn qurý týraly usynys aitty, dep habarlaidy QazAqparat.
«Qazaq shyǵarmalaryn shet tilderine aýdarý jáne ony shet elderge shyǵýy máselesi turalap tur. Bizdiń ádebietimiz álemdik deńgeidegi ádebietterden kem emes. Tek ony aýdaryp, shetelge jetkizýge kúshimiz jetpei otyr. Mysaly, Resei aýdarma institýtyn qurdy. Al Ózbekstan Ózbek tili men ádebieti institýtynda aýdarma fakýltetin ashyp, jastardy oqytyp jatyr. Osyndai ádebiet institýty Qytaida bar. Saýd Arabiiasynda Ádebiet jáne aýdarma degen komitet bar. Sondyqtan bizge kórkem aýdarma alqasy nemese kórkem aýdarma ortalyǵy siiaqty uiym qurý kerek. Bul ministrliktiń qolǵa alatyn dúniesi», - dep usynys bildirdi Ulyqbek Esdáýlet ministrliktiń keńeitilgen alqa otyrysynda.
Buǵan qatysty pikir bildirgen Mádeniet jáne sport ministri Ashat Oralov aldaǵy ýaqytta bul bastama vedomstvo tarapynan eskeriletinin jetkizdi.
