Qazaqstan Jazýshylar odaǵynyń taǵy bir aýqymdy jobalarynyń biri – «Ədebi ólketaný».
Elbasynyń «Rýhani jańǵyrý» baǵdarlamasy aiasynda QR Prezidenti Əkimshiliginiń qoldaýymen júzege asqan joba negizinde ár óńirden arnaiy shyǵarmashylyq toptar qurylyp, belgilengen keste-jospar boiynsha oblys-aýdandarǵa ádebi ekspeditsiialar uiymdastyryp, zertteý jumystaryn júrgizip, kórkem shyǵarma jazady.
Respýblikamyzdyń barlyq óńirlerinen qurylǵan shyǵarmashylyq toptardyń qatarynda Qyzylorda oblysyna QR Memlekettik syilyǵynyń iegeri, aqyn, dramatýrg Iran Ǵaiyp jáne aqyn, Qazaqstan Jazýshylar odaǵynyń múshesi Myrzan Kenjebai men belgili aqyn, Memlekettik «Daryn» jastar syilyǵynyń iegeri Dinara Málik barady.
«Ádebi ólketaný|Syr ǵajaiyptary» atty kóne jáne jańa ádebi shyǵarmalardy jinaqtaý, zertteý jobasynyń negizinde Almatydan Qyzylordaǵa jol tartqan qalamgerler:
- jalpyulttyq deńgeide jariialanbaǵan ádebi jáne rýhani muralar obektilerin;
- táýelsizdik alǵan jyldardan bastap jergilikti jerdegi oń úrdisterdi jáne damý baǵytyndaǵy joǵary kórsetkishterdi;
- jergilikti jerdegi áleýmettik máselelerdi sheshýge aitarlyqtai úlesin qosqan tájiribeli, jetistikke jetken jeke tulǵalardy «Jańa esimderdi»;
- jergilikti jerdegi jer-sý ataýlarynyń shyǵý tarihyn;
- «Qazaqstannyń Táýelsizdik jyldaryndaǵy jumystardyń ádebi kartasyn» jasaýmen ainalysady.
Gúlziia Baǵdatqyzy
