Qazaqstan Respýblikasy táýelsizdiginiń 30 jyldyǵyn atap ótý aiasynda Efiopiia astanasy Addis-Abebada Semei iadrolyq poligony jabylýynyń 30 jyldyǵyna arnalǵan «Iadrolyq qarýdan jáne iadrolyq synaqtardan azat álemge qol jetkizý» taqyrybynda seminar ótti. Bul týraly SIM baspasóz qyzmeti habarlady.
Seminarǵa Efiopiia Syrtqy ister ministrliginiń, Afrika odaǵy komissiiasy hatshylyǵynyń, diplomatiialyq korpýstyń, sonyń ishinde «iadrolyq bestik» pen Stokgolm bastamasyna kiretin memleketterdiń, ókilderi, qoǵam qairatkerleri, beibitshilik pen qaýipsizdikti zertteý institýtynyń, Dialog, zertteýler men yntymaqtastyq ortalyǵynyń sarapshylary, Addis-Abeba ýniversitetiniń stýdentteri, sondai-aq birqatar efiopiialyq basylymdardyń jýrnalisteri qatysty.
Seminarǵa qatysýshylarǵa arnaǵan sózinde Qazaqstan Elshisi Barlybai Sadyqov memleketimizdiń jahandyq qarýsyzdaný men iadrolyq qarýdy taratpaý úderisine qosqan úlesi, QR Tuńǵysh Prezidenti – Elbasy Nursultan Nazarbaevtyń halyqaralyq bastamalary, onyń halyqaralyq beibitshilik pen qaýipsizdikti nyǵaitýdaǵy róli týraly aityp berdi.
Biyl qurlyq elderi Afrikadaǵy iadrolyq qarýdan azat aimaq týraly Pelindab kelisimine qol qoiý ashylýynyń 25 jyldyǵyn atap ótedi. Aǵymdaǵy jyly Ortalyq Aziiada iadrolyq qarýdan azat aimaqtyń (Semei sharty) qurylǵanyna 15 jyl tolady. Qazirgi tańda eki aimaq arasynda yntymaqtastyq týraly kelisimge qol qoiý josparlanýda.
Is-sharada ǵylymi-zertteý institýttarynyń ókilderi, Efiopiianyń qoǵam qairatkerleri, Indoneziia, Shvetsiia, Iran elshileri, Japoniia elshiliginiń qyzmetkeri sóz sóilep, Qazaqstannyń belsendi qatysýymen qarýsyzdaný jáne álemde iadrolyq qarýdy taratpaý rejimin nyǵaitý jónindegi halyqaralyq qaýymdastyqtyń birlesken jumysty odan ári jalǵastyrý qajettigin atap ótti.
Seminar sheńberinde Andre Singerdiń «Jel qaidan keldi» atty derekti filmi kórsetildi, sondai-aq Semei poligonynyń jabylýynyń 30 jyldyǵyna orai «Ólimnen de myqty» atty fotokórme uiymdastyryldy.
Seminar qorytyndysy boiynsha qatysýshylar Qazaqstan men onyń halqynyń Halyqaralyq iadrolyq qarýsyzdaný jáne taratpaý protsesine qosqan úlesin joǵary baǵalap, bizdiń elmen dostyq bailanystardy nyǵaitýǵa qyzyǵýshylyq tanytty.
