قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىن اتاپ ٶتۋ اياسىندا ەفيوپييا استاناسى ادديس-ابەبادا سەمەي يادرولىق پوليگونى جابىلۋىنىڭ 30 جىلدىعىنا ارنالعان «يادرولىق قارۋدان جەنە يادرولىق سىناقتاردان ازات ەلەمگە قول جەتكٸزۋ» تاقىرىبىندا سەمينار ٶتتٸ. بۇل تۋرالى سٸم باسپاسٶز قىزمەتٸ حابارلادى.
سەمينارعا ەفيوپييا سىرتقى ٸستەر مينيسترلٸگٸنٸڭ, افريكا وداعى كوميسسيياسى حاتشىلىعىنىڭ, ديپلوماتييالىق كورپۋستىڭ, سونىڭ ٸشٸندە «يادرولىق بەستٸك» پەن ستوكگولم باستاماسىنا كٸرەتٸن مەملەكەتتەردٸڭ, ٶكٸلدەرٸ, قوعام قايراتكەرلەرٸ, بەيبٸتشٸلٸك پەن قاۋٸپسٸزدٸكتٸ زەرتتەۋ ينستيتۋتىنىڭ, ديالوگ, زەرتتەۋلەر مەن ىنتىماقتاستىق ورتالىعىنىڭ ساراپشىلارى, ادديس-ابەبا ۋنيۆەرسيتەتٸنٸڭ ستۋدەنتتەرٸ, سونداي-اق بٸرقاتار ەفيوپييالىق باسىلىمداردىڭ جۋرناليستەرٸ قاتىستى.
سەمينارعا قاتىسۋشىلارعا ارناعان سٶزٸندە قازاقستان ەلشٸسٸ بارلىباي سادىقوۆ مەملەكەتٸمٸزدٸڭ جاھاندىق قارۋسىزدانۋ مەن يادرولىق قارۋدى تاراتپاۋ ٷدەرٸسٸنە قوسقان ٷلەسٸ, قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ حالىقارالىق باستامالارى, ونىڭ حالىقارالىق بەيبٸتشٸلٸك پەن قاۋٸپسٸزدٸكتٸ نىعايتۋداعى رٶلٸ تۋرالى ايتىپ بەردٸ.
بيىل قۇرلىق ەلدەرٸ افريكاداعى يادرولىق قارۋدان ازات ايماق تۋرالى پەلينداب كەلٸسٸمٸنە قول قويۋ اشىلۋىنىڭ 25 جىلدىعىن اتاپ ٶتەدٸ. اعىمداعى جىلى ورتالىق ازييادا يادرولىق قارۋدان ازات ايماقتىڭ (سەمەي شارتى) قۇرىلعانىنا 15 جىل تولادى. قازٸرگٸ تاڭدا ەكٸ ايماق اراسىندا ىنتىماقتاستىق تۋرالى كەلٸسٸمگە قول قويۋ جوسپارلانۋدا.
ٸس-شارادا عىلىمي-زەرتتەۋ ينستيتۋتتارىنىڭ ٶكٸلدەرٸ, ەفيوپييانىڭ قوعام قايراتكەرلەرٸ, يندونەزييا, شۆەتسييا, يران ەلشٸلەرٸ, جاپونييا ەلشٸلٸگٸنٸڭ قىزمەتكەرٸ سٶز سٶيلەپ, قازاقستاننىڭ بەلسەندٸ قاتىسۋىمەن قارۋسىزدانۋ جەنە ەلەمدە يادرولىق قارۋدى تاراتپاۋ رەجيمٸن نىعايتۋ جٶنٸندەگٸ حالىقارالىق قاۋىمداستىقتىڭ بٸرلەسكەن جۇمىستى ودان ەرٸ جالعاستىرۋ قاجەتتٸگٸن اتاپ ٶتتٸ.
سەمينار شەڭبەرٸندە اندرە سينگەردٸڭ «جەل قايدان كەلدٸ» اتتى دەرەكتٸ فيلمٸ كٶرسەتٸلدٸ, سونداي-اق سەمەي پوليگونىنىڭ جابىلۋىنىڭ 30 جىلدىعىنا وراي «ٶلٸمنەن دە مىقتى» اتتى فوتوكٶرمە ۇيىمداستىرىلدى.
سەمينار قورىتىندىسى بويىنشا قاتىسۋشىلار قازاقستان مەن ونىڭ حالقىنىڭ حالىقارالىق يادرولىق قارۋسىزدانۋ جەنە تاراتپاۋ پروتسەسٸنە قوسقان ٷلەسٸن جوعارى باعالاپ, بٸزدٸڭ ەلمەن دوستىق بايلانىستاردى نىعايتۋعا قىزىعۋشىلىق تانىتتى.
