Foto: videodan alynǵan kadr
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Jibek Joly arnasyna bergen suhbatynda qazaqstandyqtarǵa áleýmettik jelide bir saǵattan artyq otyrmaýǵa keńes berdi, dep habarlaidy Kazinform agenttigi.
«Men ózimdi qatań baqylaýda ustaimyn. Óitkeni internette kóp ýaqyt ótkizý – seniń shynaiy ómirińdegi ýaqytty jep qoiady. Sondyqtan adamdarǵa jumysta da, úide de internet qoldanýdy úiretý kerek. Jalpy gigiena bolýy kerek. Qazir jumysynda otyryp áleýmettik jelige ýaqytyn qurtatyn adamdar kóp», - dedi ministr.
Vedomstvo basshysy Jibek Joly efirin paidalanyp, qazaqstandyqtarǵa qaiyryldy.
«Efirdi paidalanyp barshaǵa óz pikirimdi aita keteiin. Meniń pikirim – adamnyń áleýmettik jelige jumsaityn ýaqyty bir saǵattan aspaýy kerek. Bir kúnde 24 saǵat bolsa, onyń 8 saǵaty jumysta ótedi. Ózińe arnaityn qalǵan bos 4 saǵattyń bárin internetke qurtpaý kerek. Jumysqa bailanysty bolsa da, jumysqa qatysy bolmasa da, kúnine bir saǵattan artyq áleýmettik jelide otyrý eshqandai paida bermeidi», - dedi Baǵdat Mýsin.
