"Adamzat tereń quldyqta, ol ózin basqara almaidy, ony zat basqarady. Jansyz. Oǵan erkin berip qoiǵan. Odan ketýi ekitalai. Álemdegi 8 mlrd adamdy ashsa alaqanynda, jumsa judyryǵynda ustaý buryn sońdy eshkimniń qolynan kelmegen. Ony ǵalamtor jasady. Bir qyzyǵy, eshkim oǵan kúshtegen de joq", - deidi bloger Janar Shamel.
Sózbe-sóz:
Iá, adamnyń abyroiy laikpen ólshenetin soraqy kúige túskenbiz. Kóp jaǵdaida tárbiesi, bilimi, adamdyǵy mańyzdy emes, aty shyqsa boldy jáne qandai jolmen shyqqany da báribir, jamandap alyp, japatarmaǵai jazylyp, kúnde qarap, topyrlap laik qoiyp, basymyzǵa kótere beremiz. Ol ”abyroiǵa” jetý úshin adam ne istemei jatyr?! Bárin istedi.
Adamzat ómiriniń nári men jany, baǵy men bailyǵy - qundylyqtardan aiyrylyp, degradatsiiaǵa osylai aiaq bastyq.
Ǵalamsharda ǵalamtor paida bolǵaly midyń oilaný degen fýnktsiiasyn tek tamashalaýǵa bailap qoidyq. Onyń endi oilanýy qiyn. Dúniede balamasy joq apparatty osylai isten shyǵaryp jatyrmyz.
Tehnologiia damyǵaly adamnyń fizikalyq degradatsiiasy da bastaldy. Qol eńbegi, qozǵalys joq, adam mesheldikke bara jatyr. Dert kóbeidi.
Internet paida bolǵaly adamda ýaqyt joq. 24/7 onyń áleýmettik jeli degen “sektalarynda” quldyqta. Basybaily. Infoaǵynnan mi, aǵza minýt saiyn alapat soqqy alyp, kletkalar álsirep jatyr.
Internet paida bolǵaly qarym-qatynas joq. Bir úide turatyn adamdar, ata-ana men balalar tildespeidi. Sezim de ólip jatyr. Sezim joq jerde ómir joq. Depressiia, nevroz, qorqynysh, panicheskaia ataka... kete beredi.
Adamdar osylaisha ózin-ózi erterek joiý protsesine óz erkimen kelisti jáne qyzyǵa kiristi.
“Infoquldyqqa” ushyraǵan adam kóp nárseniń baiybyna bara bermeidi, aqparatty juta beredi.
Sondyqtan aqyldy siiaqty, bárin biledi, biraq ózin qutqarý úshin eshteńe istemeidi. Telefonnan bas almaidy. Eshteńe estimeidi. Miyna zombilyq programma ornyǵyp alǵan.
Álbette, ǵalamtordyń paidasy da kóp, biraq adam shegin bilmeitindikten, ziianyn tonnalap alyp jatyr.
Adamzat qoǵamy quzdyń ushar basynda tur. Oǵan óz aiaqtarymen barǵan. Odan da óz erkimen sekiredi.
Ókinishti…
