Búkil Eýropa boiynsha týý kórsetkishi kemip jatyr. Al keibir memleketter bul qubylyspen kúresý úshin qarjylyq sharalardy qolǵa alǵan. Degenmen, balaly bolǵandarǵa aqsha tóleýdiń máni bar ma? dep jazady VVS.
«2013 jyldan bastap Finliandiianyń Lestiiarvi aýylynda týǵan ár balaǵa 10 000 eýro tólenip keledi. Soǵan qaramastan Finliandiiada týý kórsetkishi artqan joq. Sońǵy onjyldyqta basqa da Eýropa elderindegidei, Finliandiiada bala týý kórsetkishi azaiǵan» dei kele, avtor Finliandiiada otbasylyq baǵdarlamalardyń kóp ekenin aitady.
Onyń jazýynsha, munda jas otbasyǵa bastapqy kapital beriledi, ár balaǵa 100 evro járdemaqy tólenedi jáne bala toǵyzǵa tolǵansha áiel jalaqysynyń 70%-yna teń járdemaqy alady.
«Finliandiia Eýroodaq boiynsha basqa memleketterge qaraǵanda otbasylyq járdemaqylarǵa memlekettiń kóp qarjysyn jumsaǵanymen, otbasylyq saiasat áli de artta keledi. Otbasylarǵa qarjylyq qoldaý kórsetý mańyzdy bolǵanymen, mamandar týý kórsetkishiniń artýyna áielderdiń eńbek naryǵyna aralasýy áser etedi dep oilaidy. Sarapshylardyń aitýynsha, bala týýǵa itermeleý kúrdeli másele bolǵandyqtan, ony tek qana aqshanyń kómegimen sheshý múmkin emes» dep jazady basylym.
