Adamdardy kishkentai kezderinen densaýlyǵyn oilaýǵa úiretý kerek. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Biz 2010 jyldan bastap densaýlyq saqtaýdyń birqatar baǵyttaryn, atalǵan nysandardyń ekstensivti tiimdiligin ońtailandyrýǵa basymdyq berdik. Nátijesinde myńǵa jýyq infektsiialyq tósek-oryn qysqartyldy. Biologiialyq qaterdi qaperge ala otyryp, Úkimet belgili bir baǵyttar boiynsha densaýlyq saqtaý júiesiniń artyq ekendigine jáne olardy syni jaǵdaidarǵa daiyn ustap turýǵa qatysty máseleni qarastyrý qajet», - dedi Memleket basshysy.
QR Prezidenti azamattardyń densaýlyǵyn qorǵaý úshin preventivti meditsinalyq-sanitarlyq sharalardy qabyldaýǵa birinshi kezekte nazar aýdarý qajettigin basa aitty.
«Árine, bir jaǵynan biz aýrýhanalar salýymyz qajet. Bul - azamattarymyzdyń densaýlyǵyn qamtamasyz etý jáne qorǵaý máselesi. Bul - úlken strategiialyq mindet te. Ekinshi jaǵynan, Densaýlyq saqtaý ministrligi jáne ózge de tiisti vedomstvolar adamdardy kishkentai kezderinen óz densaýlyqtaryna qamqorlyq tanytýǵa oqytýy, azamattarymyzdyń densaýlyǵyn qorǵaý boiynsha sanitarlyq-meditsinalyq sharalardy qabyldaýy qajet», - dep atap ótti Qasym-Jomart Toqaev.
