Elbasy kitaphanasynda Meditsina qyzmetkerleri kúnine orai «Adam janynyń arashasy» atty saltanatty kezdesý ótti, dep habarlaidy QazAqparat.
Sharaǵa Premer-Ministrdiń orynbasary Eraly Toǵjanov, Elbasy kitaphanasynyń direktory Baqytjan Temirbolat, Densaýlyq saqtaý ministri Aleksei Tsoi, Nursultan Nazarbaev qorynyń atqarýshy direktorynyń orynbasary Álkei Marǵulanuly, Ulttyq neirohirýrgiia ortalyǵyǵynń basqarma tóraǵasy Serik Aqsholaqov, Parlament Májilisiniń depýtaty Larisa Pavlovets, University Medical Center korporativtik qorynyń basqarma tóraǵasy Iýrii Pia jáne basqa da ǵylymi meditsinalyq uiymdardyń ókilderi qatysty.
Kezdesýdi ashqan Elbasy kitaphanasynyń direktory Baqytjan Temirbolat pandemiiamen kúrestegi dárigerlerdiń ólsheýsiz eńbegine toqtaldy.
«Ár adamnyń dertine shipa, janyna daýa syilaityn abzal jandardyń eren eńbegin joǵary baǵalaǵan Nursultan Ábishuly Nazarbaev maýsym aiynyń úshinshi jeksenbisin Meditsina qyzmetkerleri kúni dep bekitken bolatyn. Táýelsizdik jyldarynda Qazaqstanda tiimdi densaýlyq saqtaý salasy qalyptasty. Ony uiymdastyrý, basqarý jáne qarjylandyrý júiesi reformalandy. Osynyń arqasynda kórsetiletin qyzmettiń sapasy artty. Tuńǵysh Prezidentiń bastamasymen el astanasynda meditsinalyq klaster qurlyp, salaǵa aýqymdy ózgeris ákeldi. Postkeńestik keńistikte alǵash ret uiymdastyrylǵan klaster zamanaýi ǵylymnyń jetistikterin engizip, emdeý men daignostikanyń menedjmentin halyqaralyq standarttar boiynsha transformatsiialady. Búkil álemge áigili ýniversitettermen, klinikalarmen áriptestik ornatý arqasynda birlesken ǵylymi zertteýler, jobalar iske asyryldy», - dep atap ótti kiptahana basshysy.
Sondai-aq, ol pandemiiamen kúrestiń alǵy shebinde júrip kóz jumǵan mamandardy eske aldy.
«Osynaý qiyn kezeńde virýs birtalai meditsina qyzmetkeriniń ómirin qiyp ketti. Adam balasyna tán múmkindigin sarqa paidalanyp, aqtyq demi qalǵansha aýrýmen kúresken marqumdardyń kóbi - óz isiniń úzdikteri bolǵan edi. Dárigerlermiz Gippokrat ósietine adaldyq tanytyp, ózderin patriot retinde kórsete bildi. Ózderi órtense de, ózgelerge ómir syilady. Sondyqtan olardyń esimi júregimizde saqtalady. Búgin osy kezdesýge onlain bailanys arqyly bolashaq dárigerler de qatysyp otyr», - dedi Baqytjan Temirbolat.
Resmi derek boynsha, Qazaqstanda memlekettik nysandaǵy 496 aýrýhana men 1955 ambýlatoriialyq-emhanalyq uiym jumys isteidi.
Onda 207 myńǵa jýyq meditsina qyzmetkeri, onyń ishinde 55 myńǵa jýyq dáriger eńbek etip júr.
