QR prezidenti Nursultan Nazarabev búgingi Úkimettiń keńeitilgen otyrysynda úkimet músheleri men oblys ákimderine biýdjet qarjysyn únemdeýdi tapsyrdy, dep habarlaidy Baq.kz agenttigi.
«Levyi bereg Kyzylorda» degen shyqty qazir. Astanada sol jaǵalaý bolsa, olarda da bolýy kerek. Adamdar – infraqurylymǵa deimiz, kerisinshe emes. Saldyń delik, endi kópir kerek, JETs salý kerek, qubyr ótkizý kerek. Qyzylordanyń oń jaǵalaýynda jer joq pa sonda?» - dep synady Nazarabev.
Qyzylorda oblysynyń ákimi Qyrymbek Kósherbaev qurylys bas jospar boiynsha júrgiziletinin aitty.
«Bas jospardy biz jasaimyz, ózgerister engizemiz. Men qarsy emespin, biraq qandai aqsha shyǵyndalatynyn qaraý kerek. «Endi kimniń «levyi beregi» bar taǵy? Pavlodar salsyn, Óskemen salsyn. Taǵy kim bar, Oral salsyn. Munymen qosa qosymsha úi salý úshin qubyr jetkizetin bolamyz, jol men kópir salamyz. Adam siiaqty bergen aqshaǵa qoja bolsańdarshy. Memlekettiń aqshasyn nege únemdemeisińder?» - dedi Nazarbaev úkimet múshelerine.
