Adam ómirinen qymbat eshnárse joq. Bul týraly QR Parlamenti Senatynyń depýtaty Murat Baqtiiaruly aitty, dep habarlaidy QazAqparat.
«Prezident óziniń keshegi úndeýinde Úkimettiń, ásirese Densaýlyq saqtaý ministrliginiń, jergilikti atqarýshy organdardyń indetke qarsy naqty is- sharalar jasamaǵandyǵy týraly ashyq aitty. Tolyq qoldaimyn. Bul Parlament qabyrǵasynda da aitylǵan bolatyn. Tyńdaityn qulaq bolmady. Ókinishke orai kóptegen otandastarymyz der kezinde naqty dárigerlik kómek alamaǵandyqtan, tiisti dári-dármekter jetpegendikten ómirden ozdy. Búkil bilik olardyń aldynda kinálimiz dep sanaimyn. Áli de bolsa on myńdaǵan adamdarǵa kómek qajet. Olar qatty qinalýda. Barlyq kúshimizdi solardyń ómirin saqtap qalýǵa jumsaiyq. Úkimet abattandyrýǵa, jol salýǵa jáne taǵy basqalarǵa qatysty shyǵyndardy qysqartyp, onyń ornyna qajetti meditsinalyq qural-jabdyqtardy satyp alýy kerek. Adam ómirinen qymbat eshnárse joq», - dedi Murat Baqtiiaruly.
Aita keteiik, keshe QR Prezidenti Qasym-Jomart Toqaev respýblikalyq telearnalar arqyly elimizde qalyptasqan ahýalǵa bailanysty úndeý jasap, onda 13 shilde kúni Ulttyq aza tutý kúni dep jariialanatyndyǵyn aitqan edi.
