Lańkester memleketimizge shabýyl jasap, el tynyshtyǵyn buzdy. Bul týraly «Nur Otan» partiiasynyń kezekten tys HHI sezinde QR Prezidenti Qasym-Jomart Toqaev aitty, dep habarlaidy QazAqparat.
«Ózderińizge málim, qańtar aiynyń basynda halqymyz qaiǵyly oqiǵalardy bastan ótkerdi. Ókinishke qarai, beibit mitingilerdi radikaldy kúshter óz maqsatyna paidalanyp ketti. Lańkester memleketimizge shabýyl jasap, el tynyshtyǵyn buzdy. Olar bilikti basyp alýǵa tyrysty. Biz shuǵyl sharalar qabyldap, lańkesterge, qaraqshylarǵa toitarys berdik. Zańdylyq pen qoǵamdyq tártipti qalpyna keltirdik. Memleketimizdiń tutastyǵyn saqtap qaldyq», - dedi Memleket basshysy.
QR Prezidentiniń atap ótýinshe, quzyrly organdar kináli adamdy anyqtap, jaýapqa tartý úshin tergeý júrgizýde.
«Bul jumys tek zań aiasynda júzege asyrylatynyna kúmán bolmaýǵa tiis. Bári Bas prokýratýranyń jáne meniń jeke baqylaýymda bolady. Adam quqyǵyn mindetti túrde saqtaimyz», - dedi Qasym-Jomart Toqaev.
