Adam kapitaly men adam quqyn qorǵaý máselesin Prezident basty orynǵa qoiýda. Búgin Prezident Qasym-Jomart Toqaevtyń qatysýymen ótken Ulttyq qoǵamdyq keńes otyrysyna qatysty osyndai pikirimen Eýropalyq quqyq jáne adam quqyǵy institýtynyń direktory Marat Bashimov bólisti, dep habarlaidy QazAqparat.
«Prezident aityp ótken indikatorlarǵa qaraýymyz kerek. BUU-da adam quqyǵy týraly 14 indikator bar. Solardyń indikatorlaryna ózimizdiń ulttyq indikatorlardy sáikes keltirsek, bizdiń memlekettik saiasat joǵarǵy deńgeige jetedi. Ol óte mańyzdy. Adam quqyǵy salasynda jeke quqyǵy, saiasi áleýmettik quqyǵy, mádeni quqyǵy bolsyn barlyq jerde birinshi orynda bolýy kerek. Biz bul oraida BUU-nyń standarttaryna qaraýymyz kerek. Keńeste densaýlyq, ekologiia salasy, tsifrlandyrý, áleýmettik salada baspana salý, sondai-aq bilim salasyndaǵy problemalar kóterildi», - dedi Marat Bashimov.
Qoǵamdyq kelisim Ulttyq keńesinde eńbek naryǵyndaǵy adam quqyǵynyń saqtalýy týraly da keńinen aityldy.
«Qazaqstannyń ólim jazasynan bas tartyp, halyqaralyq uiymdarmen birge bolýy - mańyzdy. Muny dúnijúzi qoldap otyr. Al ákimshilik iýstitsiiaǵa kóńil bólgenimiz qarapaiym halyqtyń jaǵdaiyn kóterýdi bildiredi. Advokattardyń deńgeiin kóterý, áiel men bala quqyn joǵary qoiý, bári adam quqyqtarymen bailanysty. Qoǵamdyq kelisim Ulttyq keńesinde Prezident aitqan barlyq másele, barlyq jospar saiyp kelgende qalyń buqaranyń qamy úshin jasalyp otyr. Maqsaty - adam kapitalynyń áleýmettik-ekonomikalyq jaǵdaiyn, adam quqyn joǵarǵy deńgeige kóterý,- dedi Marat Bashimov.
