Qal kópshiligimiz úshin kelbetimizge ádemilik berip turatyn bólshektiń biri, alaida barlyǵy birdei olai bola bermeidi.
Melanoma - qalypty jaǵdaida teride ornalasatyn jáne kúnniń ýltrakúlgin sáýlesi áserinen boiaǵysh pigment melanin bóletin melnotsitterdiń shekten tys bólinýinen týyndaityn qaterli isik.
«Melanoma» terminiń grektiń “melanos” qara, qońyr degen maǵyna bildiredi. Kóp jaǵdaida isik teride bolady, aýyzdyń kilegei qabatynda, áieldiń jynys múshelerinde, asqazan-ishek jolynda, kóz almasynda bolýy múmkin.
Adam denesindegi qal densaýlyqqa ziianyn tigizbeidi, biraq keide sol qaldyń nazar aýdarýdy qajet etetin túrleri kezdesip jatady. Bul týraly búgin «Mindetti áleýmettik meditsinalyq saqtandyrý qory» KEAQ Nur-Sultan qalasy boiynsha filialy meditsinalyq qyzmetter sapasyn baqylaý bóliminiń basshysy Sandýǵash Bolysbekova aitty. Onyń málimeti boiynsha aǵymdaǵy jyldyń 1 toqsanynda «teridegi qaterli isik» diagnozy boiynsha dispanserlik esepte - 961 naýqas tirkelgen, onyń ishinde - 117 naýqas melanoma diagnozymen tirkelgender.
«Melanomanyń alǵashqy belgisi adamdaǵy qal ólsheminiń, pishininiń, túsiniń jáne sezimtaldyǵynyń ózgerýi, denedegi bar qaldyń aýmaǵynda jańadan qara tústi aimaqtyń paida bolýy, qaldyń ústinde qaitadan túzilgen qabyrshaq jáne qyshý sezimi de azdaǵan ózgeristeri retinde kórine alady. Sonymen qatar melanoma jańa qal retinde de túzile alady. Ol qara tústi, ózgeshe bolýy múmkin. Eger deneńizdegi jańa túzilis jaily suraqtar týyndasa nemese alańdaýshylyǵyńyz bolsa, dermatovenerolog dárigerine qaralǵanyńyz jón» - deidi S. Bolysbekova.
