Adam 150 jyl ómir súre ala ma? The Wall Street Journal basylymy osyǵan qatysty eki ǵalymnyń pikirin keltiredi.
«Illionois ýniversitetiniń qoǵamdyq densaýlyq saqtaý mektebiniń epidemiologiia jáne biostatistika professory S.Dj.Olshanskii men Alabama ýnivrsitetiniń biology Stiven Ostad ekeýi 2000 jyly jaqynda adamdardyń ómir súrý uzaqytyǵy 150 jyl bolatynyna bástesken. 150 jasqa deiin ómir súretin alǵashqy adam dúniege kelip, qazirgi zamanda ómir súrip jatyr ma?», - dep jazady The Wall Street Journal.
Avtordyń aitýynsha, eki ǵalym investitsiialyq esepshotqa árqaisysy 300 dollardan salǵan. Bul soma 2150 jylǵa qarai, iaǵni, bás ýaqyty aiaqtalǵan kezde milliard dollarǵa jetýi múmkin degen boljam bar.
«2150 jyly biomeditsina ǵylymy men dárilik quraldar salasyndaǵy jetistikter adamdarǵa 100 jyl ómir súrýge múmkindik beredi. Al keibir adamdar 150 jylǵa deiin ómir súre alatyn bolady», - deidi profesor Ostad.
Al professor Olshanskiidiń aitýynsha, adamdar eń kóp degende ortasha eseppen 85-89 jyl ómir súre alady. Jaqsy jaǵdaida júz jasqa jetýi múmkin, al 150 jyl degen múmkin emes meje.
«Professor Ostadtyń aitýynsha, búgingi stýdentter bir ǵasyr ómir súre alady, sebebi olardyń densaýlyǵy adamzat tarihyndaǵy densaýlyq jaǵdaiymen salystyrýǵa da kelmeidi. Ol ýaqyt óte kele qarttyqqa qarsy dáriler de paida bolady dep esepteidi. Bul ómir sapasyn ózgertedi» dep jazylǵan maqalada.
Al onyń qarsylasy osy kúnge deiin adam eń kóbi 122 jyl ómir súrgenin aitady. Al 100 jylǵa deiin ómir súrý jańa normaǵa ainalýy múmkin bolǵanymen, odan asýy ekitalai.
«Adam ómirin uzartýdaǵy eń jaqsy jol – adamnyń densaýlyǵynyń jaqsy bolatyn kezeńin barynsha sozýǵa yqpal etý. Sebebi adam eń kóp degende 100 jasqa deiin ǵana ómir súre alady», - deidi Olshanskii.
