Qazaqstan fýtbol federatsiiasy Qazaqstan men Frantsiia quramalary arasyndaǵy 28 naýryz kúni Nur-Sultanda ótetin 2022 jylǵy Álem chempionatynyń irikteý matchyna jankúierlerdi jiberýge qatysty resmi málimdeme jasady, dep habarlaidy "Ult aqparat" Sports.kz saityna silteme jasap.
«Qurmetti dostar! ÁCh-2022 Qazaqstan-Frantsiia irikteý matchy, ókinishke qarai, kórermensiz ótetinin habarlaýǵa májbúrmiz.
Biz jankúierlerdi oiynǵa jiberýge ruqsat beriledi dep úmittengen edik. Álem chempiondarymen kezdesý Qazaqstan úshin úlken fýtbol merekesi ekenin jaqsy túsinemiz.
Qazaqstan fýtbol federatsiiasy jankúierlerdi arenaǵa jiberý boiynsha sońǵy sátke deiin Nur-Sultan qalasynyń bas sanitar dárigerimen kelissózder júrgizdi. Biz biletterdi satýdy bastaýǵa daiyn boldyq, sizderdi keremet jańalyqpen qýantqymyz keldi.
COVID-19 taralýyn boldyrmaýǵa baǵyttalǵan osy májbúrli sharalarǵa túsinistikpen qaraýlaryńyzdy suraimyz», — delingen QFF habarlamasynda.
Eske sala keteiik, jeksenbi kúni, 28 naýryzda, Nur-Sultan qalasynda 2022 jylǵy Álem chempionatynyń irikteý matchy ótedi. Onda Qazaqstan quramasy Frantsiia komandasyn qabyldaidy.
Qazaqstan-Frantsiia matchy «Astana-Arenada» Nur-Sultan ýaqyty boiynsha 18:50-de bastalady.
