Qazaqstandyq boksshy Abylaihan Júsipov Tokio Olimpiadasyndaǵy jeńilisi týraly aitty, dep habarlaidy QazAqparat.
«Boksta birinshi jyl júrgen joqpyn, birinshe ret mundai júkti arqalaǵan emespin, sondyqtan psihologiialyq turǵydan da daiyn boldym. Óz basym babymda, tyńǵylyqty daiyndalyp bardym dep aita alamyn. Ózim oilaǵan, bapker qoiǵan talaptardy barynsha oryndadym dep oilaimyn. Jarys aldynda bizge barlyq jaǵdai jasaldy, Tokioǵa jarys aldynda bir apta buryn bardyq. Óz basym jekpe-jegimdi áli qaraǵan joqpyn, ony salqynqandy otyryp qarap, saralaý kerek. Sol kezde ne kemshilik ketkenin sonda aita alamyn», - dedi Abylaihan Júsipov astana áýejaiynda tilshilerdiń suraǵyna jaýap bere otyryp.
Sondai-aq, sportshy azdaǵan demalystan soń kásibi sporttaǵy josparyn qaita qarastyratynyn aitty.
«Olimpiadaǵa ekiniń biri baryp jatqan joq, oǵan qatysýdyń ózi baqyt. Ár jarystan soń shúkirshilik etemiz. Men úshin ár jarys ol sabaq, bul Tokio Olimpiadasy da kezekti sabaq boldy. Olimpiadaǵa qatysýdy armandaýshy jas sportshylarǵa aitarym, kóp eńbektený kerek», - deidi ol.
Eske sala ketsek, 69 keli salmaq dárejesinde synǵa túsken Abylaihan Júsipov AQSh sportshysy Djonson Delantemen kezdesip, 1:4 esebimen jeńilgen edi.
Aita keteiik, búgin erdalyq jankúierler Tokio Olimpidasynan oralǵan boksshylar Vasilii Levit pen Abylaihan Júsipovti erekshe qoshemetpen qarsy aldy.
