قازاقستاندىق بوكسشى ابىلايحان جٷسٸپوۆ توكيو وليمپياداسىنداعى جەڭٸلٸسٸ تۋرالى ايتتى, دەپ حابارلايدى قازاقپارات.
«بوكستا بٸرٸنشٸ جىل جٷرگەن جوقپىن, بٸرٸنشە رەت مۇنداي جٷكتٸ ارقالاعان ەمەسپٸن, سوندىقتان پسيحولوگييالىق تۇرعىدان دا دايىن بولدىم. ٶز باسىم بابىمدا, تىڭعىلىقتى دايىندالىپ باردىم دەپ ايتا الامىن. ٶزٸم ويلاعان, باپكەر قويعان تالاپتاردى بارىنشا ورىندادىم دەپ ويلايمىن. جارىس الدىندا بٸزگە بارلىق جاعداي جاسالدى, توكيوعا جارىس الدىندا بٸر اپتا بۇرىن باردىق. ٶز باسىم جەكپە-جەگٸمدٸ ەلٸ قاراعان جوقپىن, ونى سالقىنقاندى وتىرىپ قاراپ, سارالاۋ كەرەك. سول كەزدە نە كەمشٸلٸك كەتكەنٸن سوندا ايتا الامىن», - دەدٸ ابىلايحان جٷسٸپوۆ استانا ەۋەجايىندا تٸلشٸلەردٸڭ سۇراعىنا جاۋاپ بەرە وتىرىپ.
سونداي-اق, سپورتشى ازداعان دەمالىستان سوڭ كەسٸبي سپورتتاعى جوسپارىن قايتا قاراستىراتىنىن ايتتى.
«وليمپياداعا ەكٸنٸڭ بٸرٸ بارىپ جاتقان جوق, وعان قاتىسۋدىڭ ٶزٸ باقىت. ەر جارىستان سوڭ شٷكٸرشٸلٸك ەتەمٸز. مەن ٷشٸن ەر جارىس ول ساباق, بۇل توكيو وليمپياداسى دا كەزەكتٸ ساباق بولدى. وليمپياداعا قاتىسۋدى ارمانداۋشى جاس سپورتشىلارعا ايتارىم, كٶپ ەڭبەكتەنۋ كەرەك», - دەيدٸ ول.
ەسكە سالا كەتسەك, 69 كەلٸ سالماق دەرەجەسٸندە سىنعا تٷسكەن ابىلايحان جٷسٸپوۆ اقش سپورتشىسى دجونسون دەلانتەمەن كەزدەسٸپ, 1:4 ەسەبٸمەن جەڭٸلگەن ەدٸ.
ايتا كەتەيٸك, بٷگٸن ەردالىق جانكٷيەرلەر توكيو وليمپيداسىنان ورالعان بوكسشىلار ۆاسيليي لەۆيت پەن ابىلايحان جٷسٸپوۆتٸ ەرەكشە قوشەمەتپەن قارسى الدى.
