Qazaqstandyq boksshy Abylaihan Júsipov álem chempionatynyń qola júldesine ie boldy, dep habarlaidy "Ult aqparat".
67 kelide sharshy alańǵa shyqqan Abylaihan jartylai finalda japoniialyq Sevonret Okadzavadan jeńilip qaldy. Nátijesinde, otandasymyz úshinshi ret álem chempionatynyń qola júldesine qol jetkizdi.
Júsipov buǵan deiin álemdik dodada venesýelalyq Kristian Palasiony, polshalyq Damian Dýrkasty, mońǵoliialyq Chinzorig Baatarsýhty jarys jolynan shyǵarǵan edi.
Aita keterligi, otandasymyz osyǵan deiin 2017 jáne 2019 jyldary álem chempionatynyń jartylai finalynda qarsylastaryna jol bergen.
Belgrad sharshy alańynda keshki sessiiada Qazaqstan sapynan Serik Temirjanov jáne Sáken Bibosynov jarystyń finaldyq joldamasyn sarapqa salady.
