Bokstan Qazaqstan ulttyq quramasynyń kapitany Abylaihan Júsipov álem chempionatynyń 1/8 finalyna joldama aldy, dep habarlaidy "Ult aqparat".
Belgradta ótip jatqan chempionatta Júsipov 67 kelide baq synaýda. Ol ekinshi ainalymda Venesýela sportshysy Kristian Palasiony 5:0 esebimen utty.
Al buǵan deiin Taibeiden kelgen Iu Linniń osal tusyn tapqan.
Aita keterligi, Gýrgen Madoian (Armeniia) men Damian Dýrkach (Polsha) jubynyń jeńimpazy ulttyq qurama kapitanynyń kelesi ainalymdaǵy qarsylasy atanady.
Qazaqstandyq boksshy 1997 jyly Qaraǵandy oblysy Abai qalasynda dúniege kelgen. 2017, 2019 jyldary álem chempionatynda qola júldeger atandy. Sondai-aq, 2017 jyly Aziia chempionatynda kúmis medal iegeri boldy. Ol Olimpiada oiyndaryna qatysqan.
