20 tamyzdan bastap Ábý-Dabidiń qoǵamdyq oryndaryna tek COVID-19-ǵa qarsy ekpe alǵandar ǵana bara alady. Bul týraly Ábý-Dabidiń Tótenshe jaǵdailar, daǵdarys jáne tabiǵi apattar jónindegi komitetiniń sheshimine silteme jasap ámirlik biliginiń baspasóz qyzmeti málim etti, dep habarlaidy "Ult aqparat".
Bul sheshim saýda ortalyqtary, meiramhanalar, dámhanalar, demalys oryndary, sport ortalyqtary, saýyqtyrý klýbtary, shipajailar, murajailar men mádeni ortalyqtar, taqyryptyq sabaqtar, ýniversitetter men institýttar, mektepter men balabaqshalardy qamtidy. Odan bólek, vaktsinasyz saýda úilerinen tys ornalasqan dúkenderge kirýge bolmaidy. Alaida birinshi qajettiliktegi taýarlardy satatyn sýpermarketter men dárihanalarǵa kirýge ruqsat etilgen.
Biliktiń aitýynsha, bul tyiymdar 16 jasqa deiingi balalar men vaktsina alýyna bolmaityn adamdarǵa júrmeidi.
Elde koronavirýs juqtyrǵandar sany táýligine ortasha eseppen shamamen 2,1 myń adamdy qurap otyr, bul kórsetkish sońǵy ai boiy birtindep ósip keledi.
