Qazaqstannyń burynǵy bas múftii Ábsattar qajy Derbisáli neden qaitys bolǵany aityldy, - dep habarlaidy "Ult aqparat".
Qajynyń ókiliniń sózinshe, Ábsattar Derbisáli búgin 02.00 shamasynda ómirden ótken.
"Pnevmoniia jáne negizi júrekten, iaǵni kardiologiiadan qaitys boldy", - dedi qajynyń ókili.
Eki kún buryn QMDB baspasóz hatshysy Aǵabek Qonarbaiuly dintanýshy aýyr jaǵdaida jansaqtaý bólimine túskenin habarlaǵan edi.
Ábsattar qajy Derbisáli - 1947 jyly 15 qyrkúiekte Túrkistan oblysy Túlkibas aýdanynda týǵan.
QR halyqqa bilim berý ministrligi janyndaǵy shyǵystanýshylardyń oqý-ádistemelik keńesiniń tóraǵasy, KSRO Shyǵystanýshylar Assotsiatsiiasy Qazaq bóliminiń biýro múshesi, KSRO Ǵylym Akademiiasy Shyǵys ádebietin úilestirý keńesiniń, QR Ulttyq Ǵylym Akademiiasynyń qoǵamdyq jáne gýmanitarlyq ǵylymdar bóliminiń, QR Jazýshylar jáne Jýrnalister Odaǵynyń, Qazaqstan halyqtary Assambleiasy keńesiniń, QR Prezidenti janyndaǵy adam quqyǵyn qorǵaý jónindegi komissiia múshesi.
Qazaqtyń shet eldermen dostyq qoǵamy Qazaq-Arab bólimi tóraǵasy bolǵan. KSRO Halyqqa bilim berý memlekettik komitetiniń Qurmet Gramotasymen (1984) marapattalǵan. QazMÝ-diń ál-Farabi atyn alýyna úlken eńbek sińirdi, Respýblikanyń 10 memlekettik ýniversiteteriniń "Qurmetti professory", Halyqaralyq "Arab tili" Ǵylym Akademiiasynyń (Kair) akademigi. Derbisáli respýblikalyq arabtaný ǵylymynyń negizin salýshylardyń biri. Arabistika salasy boiynsha elimizdiń tuńǵysh ǵylymi doktory, tuńǵysh professory, tuńǵysh akademigi bolǵan.
Ábsattar qajy Derbisáli Qazaqstanda arab tili men ádebieti ǵylymyn qalyptastyrǵany jáne Islam tarihy men mádenieti, dinine bailanysty kóptegen súbeli eńbekteri úshin 2002 jyly Egipet Arab respýblikasynyń 1-dárejeli "Ǵylym jáne óner" ordenimen, Qazaqstan ǵylymy men bilimi, ádebieti men mádenietine qosqan qomaqty úlesi úshin 2004 jyly "Parasat" ordenimen jáne 2001 jyly "Qazaqstan respýblikasynyń táýelsizdigine 10 jyl", 2005 jyly "Qazaqstan Respýblikasynyń konstitýtsiiasyna 10 jyl", 2008 jyly "Astanaǵa 10 jyl" merekelik medaldarymen jáne 2007 jyly QR Bilim jáne Ǵylym ministriniń "Qazaqstan respýblikasynyń ǵylymyn damytýǵa qosqan úlesi úshin" belgisimen marapattalǵan.
2005 jyldyń qarashasynda Ońtústik Qazaqstan oblysy, Túlkibas aýdandyq máslihatynyń sheshimimen "Túlkibas aýdanynyń qurmetti azamaty" jáne sol jyly Ońtústik Qazaqstan oblysy máslihatynyń sheshimimen "Ońtústik Qazaqstan oblysynyń qurmetti azamaty" ataqtary berildi. Ol Qazaqstan halyqtarynyń dostyǵy men yntymaǵy, dinderaralyq túsinistik pen syilastyqty arttyrýda da igilikti ister atqarǵan.
