Sybailas jemqorlyqqa qarsy is-qimyl Agenttigi halyqaralyq izdeýde júrgen Muhtar Ábliazovtyń taǵy bir sybailasynyń elge qaitarylǵanyn málimdedi, - dep habarlaidy "Ult aqparat" vedomstvonyń baspasóz qyzmetine silteme jasap.
Agenttik málimetinshe, "BTA-Bank" AQ burynǵy top-menedjmentine qatysty qylmystyq is boiynsha 2011 jyldan bastap izdeýde bolǵan "Jańa Qalqaman" JShS-niń direktory Pak Vitalii Leonidovich óz erkimen elge oralǵan.
"2006-2008 jyldar aralyǵynda atalǵan kompaniiaǵa zańsyz nesie berý arqyly Muhtar Ábliazov pen onyń sybailastary 8,9 milliard teńgeden astam qarajatty jymqyrǵan", - delingen habarlamada.
2019 jyly Pak QHR (Chendý q.) aýmaǵynda anyqtaldy.
"Kúdiktiniń jaqyn týystarymen jáne advokatymen tiisti túsindirý jumystary júrgizilgennen keiin, Pak Qazaqstanǵa oralýǵa niet bildirip, ol týraly jazbasha ótinish joldady.
Biyl 27 tamyzda QR IIM Interpoldyń kómegimen Pak Chendý qalasynan Almaty qalasyna kelip, tergeý izoliatoryna qamaldy", - dep tolyqtyrdy vodomstvo ókili.
Sotqa deiingi tergeý jalǵasyp jatyr.
